West Dog's Teeth — Attraction in Hong Kong

Kau Nga Ling (West Ridge) That’s the view! Nothing else beats moments with nature during adventures. What more you can immortalize that moment through a beautiful shot like this.🤞 Peaceful and scenic 🔥😍 Just keep climbing 🧗‍♀️🧗🏻‍♂️🧗🏽‍♀️ The trail upward Lantau Peak is partly steep and strength-demanding. It is recommended to bring along with enough food and water. Most of the trail is without sunshade. The trail downward Ngong Ping is steep. It is recommended to bring along with trekking pole. For sunrise hiking, the top of Lantau Peak is usually windy and with extremely low temperature. Recommended to bring along with enough...

西狗牙！一個山界大佬嘅名字。佢之所以能夠(當然，仲會有其他山界大佬，如 : 蚺蛇尖)成為山界大佬其中一員，並不是佢有幾高 ; 講老實，若祗講高度，佢喺香港山界並不入流。佢嘅名字能夠響起，完全係佢嘅險峻、巖巉及無正式路徑兼两邊都係萬丈深淵。人在山脊之上行走，其險之感，猶在刀鋒(若然閣下帶備航拍機，便可見當下自己的險境)上游走。從未想過一種健康愉快有益身心嘅行山郊遊運動會演變成歷奇、探險、催谷自己而搵命搏嘅經歷過程。 行山多年嘅人，内心嘅感覺及心態已經唔係初始行山時嘅自己 ; 因為體力上、體魄上以至雙腳嘅肌腱、關節及身體靈活度都有咗大幅度嘅提昇，已非當初嘅體能可比，亦因為歷經多年行山體驗，對一般既行過又平庸嘅山徑已失去(即使初體驗行山者對每次行性質相近嘅山徑亦會失去興趣)興趣，每次都想增加一啲長度或難度甚或作出更大挑戰。而網絡時代嘅普及、盛行 ; 社交媒體上都有不少人對每一項自己有興趣嘅運動或事物進行熱烈推介或展示個人在行内嘅成就或過人之處，從而使得早已浸淫其中嘅後俊者免不了亦有躍躍欲試之意，繼而又帶出咗更熱嘅熱潮而再促使更多同道者投入其中 ; 週始不息。 西狗牙名字嘅熱切出現，除有以上所講因素外，亦因經濟環境轉差而多咗人失業或開工不足而轉而到戶外散心或不想長期屈居家中而使人精神萎靡，身體、意志轉差而希望可以Keep住狀態，因此會有絡繹不絕而不甘後人嘅人潮(不分週幾，不分男女)前往各郊野露營、行山。西狗牙自然就會成為一個被人喜歡作為挑戰目標嘅山徑。 西狗牙共有三路可進。其實西狗牙係鳳凰山嘅支脈 ; 西狗牙之上就係鳳凰山巔。喺西狗牙往上望，有種予人君臨天下嘅感覺。 上西狗牙可由東路、中路、西路上。但祗有由石壁郊遊徑可通往中狗牙及西狗牙入口。有心想選擇此两條路徑入口嘅挑戰者 ; 可選擇乘搭往昂平(23號)巴士喺石壁水塘未過石壩嗰個站落，向車尾方向行及過馬路，行一段路後就會見到一個涼亭，此處便是大路入口而再行一小段後就會見到一條引水道，跨過引水道鐵橋就正式進入通往中、西狗牙入口嘅山路。行不多時，眼前便見一條百級天梯(若然到時見到呢條天梯内心都有多少難為感或覺有辛苦感的話，閣下應該即時放棄上狗牙嶺嘅念頭打道回府或改行本身呢條石壁郊遊徑就算)迎接閣下。"上過天梯"，行過一段山路後，就會到達中狗牙入口 ; 入口處並不起眼，祗見戙住一塊鐵牌 : 表示此處危險，曾有意外，請勿前往(官方例牌告語)。如想直接行西狗牙則仍須繼續前行約二十至二十五分鐘。但有人索性唔落車，直接坐到終站昂平落車而後行至心經簡林梯級口左下方入口開始起步，一路落下到西狗牙入口。當然，咁樣會慳力、舒服好多，但就似乎有少少偏離咗想挑戰自己嘅初衷。 若用航拍以高空俯瞰，其山脈形狀似爪多過似牙。但名稱不重要，高度亦不重要，重要嘅係其山勢險峻無比 ; 大多段落两邊都係萬丈深淵且並無正式路徑，祗有因歲月而累積嘅前人開創，當初嘅草路，而後來者不斷，因此就成咗山徑，但其實有啲路段亦祗能喺散亂、嶙峋嘅山石上行走，須自己執生，其中過程絕非普通人所能應付。 三牙中以西狗牙最為巖巉及具挑戰性，因此對挑戰者吸引力最大。其他两條路徑，則中狗牙亦具挑戰性。而東狗牙本人不熟，在此不贅。不過，近來有玩得更激者 ; 由山澗經虎吼石河而上(較適合冬天非雨季之時)西狗牙，相信體力與毅力更非一般人可比。此路段本人尚未行過，就連入口位於何處亦不甚了了，故不作介紹。 凡挑戰狗牙嶺者，無論由何路攀上，最終終點都在鳳凰山巔之下會合 ; 眾路歸宗。一路上經常有人提及嘅 : 一線生機、閻王璧、小鳥回頭等段落都會一一經過。而喺最後嘅會合處 ; 若仍有體力，毅力，水量仍充足者，可繼續挑戰鳳凰山巔，登頂後由另路落下至伯公坳車站又或不想繼續者則可轉向落昂平(寳蓮寺，祗須落行山級約半小時至四十分鐘便可到達心經簡林)坐巴士返回東涌，完成一日之狗牙山徑挑戰行程。身體雖疲乏，但精神愉快。不過，挑戰者極須謹記有两樣嘢特別緊要 : 1,水是生命之源 ; 絕不能為輕裝而少帶水。2,一對舒服、適合自己嘅行山鞋極重要。否則，會後悔莫及！ 有詩為證 :...

西狗一夜 梅窝麦当劳后门堆有一些纸皮箱，也无阿婆来捡。遂拾起一张，折好置于袋后，作为今晚之床。又上次有了经验，知道高山上有雾，遂打算在半山择地而睡。 在石壁水塘下车，走入石壁郊游径，先过中狗路口，再一直前行，直到一个DEEP...