ஜாதகத்தில் மாந்தி சம்பந்தப்பட்ட தோஷங்களுக்கும் பிரச்சனைகளுக்கும் மிகச் சிறந்த பரிகார ஸ்தலம் இந்த மாந்தீஸ்வரர் கோயில். மிகச் சிறப்பான தல புராணத்தை கொண்ட மிகப் பழமையான வரலாறுகளை தன்னகத்தே கொண்டுள்ள இந்தத் திருக்கோயில் நடை திறந்திருக்கும் நேரம் காலை 7 மணி முதல் இரவு 8 மணி வரை. இடையில் நடை சாத்துவது கிடையாது. ஆனால் பரிகாரம் சம்பந்தமாக வருபவர்கள் மதியம் 12 மணிக்குள் வந்து செய்வது சிறப்பு. இங்கு மாந்தீஸ்வரர் க்கு பரிகாரமாக தீபம் ஏற்றுவதும் அர்ச்சனை செய்வதும் மட்டுமே நடைபெறுகின்றது. மாந்தீஸ்வரரை தரிசித்து விட்டு அருகிலுள்ள வரதராஜப்பெருமாளை சேவிப்பது சிறப்பு. பூஜைக்கு தேவையான தேங்காய் பழம் வெற்றிலை பாக்கு பூ மாலை அனைத்தும் எதிர்ப்புறம் உள்ள கடையிலேயே கிடைக்கின்றது.