Nongphatom Lake — Attraction in Attapeu

AeroLAOS: ນັກດຳນໍ້າ ທີ່ມາຈາກປະເທດລັດເຊຍ, ກຳລັງລົງວິໃຈສຳຫຼວດໜອງຟ້າ,ທີ່ເມືອງຊານໄຊ ແຂວງອັດຕະປື, ທີ່ຊ່າລືເຖິງຄວາມສັກສິດ ເຂັດຢໍາ ,ແລະ ເປັນແຫຼ່ງທ່ອງທ່ຽວທີ່ສວຍງາມ ທີ່ຍັງບໍ່ທັນເຈຍລະໃນ .

“ ໜອງຟ້າ “ຕັ້ງຢູ່ບ້ານວັງຕັດ ເມືອງຊານໄຊ ຫ່າງຈາກຕົວເມືອງສາມັກຄີໄຊ ປະມານ 178 ກິໂລແມັດ. ໜອງຟ້າ ເປັນໜອງນໍ້າທີ່ໃຫຍ່, ມີແປວທາງນໍ້າໄຫຼ ປ່ອງລົງໃສ່ນໍ້າເຊກະໝານ, ເຊິ່ງຕັ້ງຢູ່ທາງ ທິດຕາເວັນອອກ ຂອງແຂວງອັດຕະປື ນອນໃນເຂດປ່າສະຫງວນແຫ່ງຊາດ ດົງອຳພາມ ໃນພື້ນທີ່ຫົວພູ ຈຸ້ມເຂົ້າຫາກັນ ລະດັບສູງທຽບໃສ່ໜ້ານໍ້າທະເລ 1,200-1,500 ແມັດ, ໃກ້ກັບຊາຍແດນລາວ-ຫວຽດນາມ. ໄດ້ຄົ້ນພົບໃນລະຫວ່າງປີ 1930 ໂດຍຄົນສັນຊາດຝຣັ່ງ ທີ່ມາເປັນຄອມມີແຊຂອງ ແຂວງອັດຕະປື ຊື່ວ່າ: Commice. Mr. CAME ແລະ Mr. DAP LAY. ໄດ້ສຶກສາຄົ້ນຄ້ວາ ດ້ານທໍລະນີສາດ ໄດ້ໃຫ້ຂໍ້ມູນສັງເກດ ແລະ ສັນນີຖານໄວ້ວ່າ: ຄົງເປັນໜອງທີ່ເກີດຈາກ ພູໄຟລະເບີດ ເມື່ອຫຼາຍຮ້ອຍປີ ຫຼື ພັນໆ ປີກ່ອນໜ້ານີ້.

ແຕ່ສິ່ງປະທັບໃຈຄື: ນໍ້າໜອງແຫ່ງນີ້ເປັນສີຂຽວ ຄືນໍ້າທະເລ ແລະ ໃສສະອາດ ສາມາດດື່ມໄດ້ ຄືນໍ້າດື່ມບໍລິສຸດ ຕາມການຢັ້ງຢືນວິເຄາະ ທາງການແພດ, ມີຄວາມກ້ວາງປະມານ 1 ກິໂລແມັດມົນທົນ ແລະ ປະກົດມີແຮ່ທາດປະເພດ ຄຳ, ແກ້ວຕົກຕະກອນ ຕາມຕະຄອງນໍ້າລົ້ນໄຫຼ ມີພໍໃຫ້ປະຊາຊົນໄດ້ຮ່ອນຄຳ ມາແລກປ່ຽນຊື້-ຂາຍ ໃນແຕ່ລະປີ,

"ສ່ວນຕົວໜອງເອງ ປະຊາຊົນມີຄວາມເຊື່ອຖືວ່າ ມີຄວາມສັກສິດ ແລະ ເຂັດຢຳ."

ກົດ Like ເພຈ...

Beautiful...

ຢາກໄປ​...