The 2nd Mae Sai River Friendship Bridge — Local services in Tachileik District

တာချီလိတ်မှသည် မယ်ဆိုင်… ထိုမှသည် ချင်းရိုင်ဆီ Tachileik to Chiang Rai by Crossing Mae Sai Border 🇲🇲 🇲🇲 🇲🇲 🇹🇭 🇹🇭 🇹🇭 🇱🇦 🇱🇦 🇱🇦 . ကျွန်တော်ရဲ့ ခရီးသွားမှတ်တမ်းလေးတွေမှာ ရှမ်းပြည်နယ်က မြို့တော်လေးတွေ အတော်များတာ သတိထားမိပါလိမ့်မယ်။ ငယ်ငယ်ကတည်းက ကြီးပြင်းလာရတဲ့ မြေမို့လို့လား မသိဘူး ရှမ်းပြည်နယ်အပေါ် အတော်သံယောဇဉ်တွယ်သား။ ခုလည်း ရှမ်းပြည်နယ်၊ တာချီလိတ်မြို့လေးကနေ ချစ်ကြည်ရေးတံတားကို ကူးလို့ တစ်ဘက်နယ်စပ်မြို့လေး မယ်ဆိုင်ကို ဖြတ်ပြီး ချင်းရိုင်/ချင်းမိုင် အထိ သွားချင်သူတွေအတွက် တင်ပြပေးချင်ပါသေးတယ်။ ကျွန်တော်ကတော့ ချင်းရိုင်ထိပဲ သွားခဲ့ပါတယ်။ မူလကတော့ ချင်းမိုင်ထိ တစ်ညအိပ်လောက် သွားချင်ပေမဲ့ အတူအဖော်လိုက်လာတဲ့ တာချီလိတ်က မိတ်ဆွေတွေရဲ့ ကိုယ်ရေးကိုယ်တာ ကိစ္စတွေကြောင့် နေ့ချင်းပြန်အနေနဲ့ ချင်းရိုင်မြို့လေးဆီ ကားလမ်းကနေ တဆင့် လည်ပတ်ခဲ့ပါတယ်။ . . ■■■■■■■■■■■■ နယ်စပ်ကူးလက်မှတ်လုပ်မယ် ■■■■■■■■■■■■ တာချီလိတ် အကြောင်းက ရှေ့မှ ရေးပြီးပြီမို့ အထူးတလည် ရေးမနေတော့ဘဲ၊ နယ်စပ်ဖြတ်ကျော်လက်မှတ်လုပ်တဲ့ ကိစ္စရပ်ကနေ စပြီး ရေးပါရစေ။ တာချီလိတ် နဲ့ မယ်ဆိုင်ကို ထိုင်း - မြန်မာ ချစ်ကြည်ရေးတံတားလေး ဖြတ်ကူးရုံနဲ့ ရောက်ပါတယ်။ နစ္စဓူဝ သွားလာနေကြတဲ့ တာချီလိတ်နယ်ခံတွေကတော့ စာအုပ်ရှိကြတယ်။ ကိုယ်တွေလို ခဏတဖြုတ် ရောက်လာသူတွေအတွက်ကတော့ ယာယီနိုင်ငံကူးလက်မှတ် လုပ်ကြရပါတယ်။ တံတားအောက်က လူဝင်မှုကြီးကြပ်ရေး အဆောက်အဦးလေးမှာ သွားလုပ်ကြရတာပါ။ တန်းစီပြီး ဓါတ်ပုံအရိုက်ခံရတယ်။ မြန်မာငွေ ကျပ် ၁၀၀၀ ပေးရတယ်။ (၇) ရက် ဗီဇာရတယ်။ ဒါဆိုရင် ဓါတ်ပုံလေးနဲ့တကွ မှတ်ပုံတင်ပြပြီးရင် အစိမ်းနုရောင် ယာယီနိုင်ငံကူးလက်မှတ်လေး ရလာပါတယ်။ အဲ့ဒါလေး ကိုင်ပြီးရင် တံတားပေါ် လမ်းလျှောက်ကူး၊ တံတားအလယ်မှာ ထိုင်းလူဝင်မှုကြီးကြပ်ရေး အဆောက်အဦးနဲ့ ကောင်တာတွေ ရှိပြန်တယ်။ အရင်ဆုံး ညာဘက်က ရုံးလေးထဲမှာ စာအုပ်ပြပြီး White Card အတွက် ဘတ် ၂၀ နဲ့ ဟိုဘက်ကမ်းကူးဖို့ ကူးခက ဘတ် ၂၀ ပေးသွင်းရပါတယ်။ ပြီးရင် ထပ်တန်းစီပြီး လေဆိပ်တွေကလို အရာရှိတစ်ဦးစီ စောင့်နေတဲ့ ကောင်တာလေးတွေကို ဖြတ်ကြရပါတယ်။ အဲ့ဒီမှာ တံဆိပ်တုံး ထုကြရတာပါ။ ဒါပြီးရင်တော့ တစ်ဘက်နိုင်ငံကို ဝင်ရောက်နိုင်ပြီ ဖြစ်ပါတယ်။ ဒါပေမဲ့ ဒါဟာ မယ်ဆိုင်ဝန်းကျင်ကိုပဲ သွားလာလည်ပတ်ဖို့ဖြစ်ပြီး ချင်းရိုင်၊ ချင်းမိုင်အထိ သွားမယ်ဆိုရင်တော့ TBC (Township Border Committee) ကို သတင်းပို့ လက်မှတ်ထပ်လုပ်ရပါတယ်။ တစ်ဦးကို ဘတ် ၄၀၀ ထပ်မံ ပေးဆောင်ရဦးမှာပါ။ သူတို့က ကျွန်တော်တို့ရဲ့ မှတ်ပုံတင်တွေကို သိမ်းထားလိုက်ပါလိမ့်မယ်။ ပြန်ထွက်ပြီဆိုမှ သူတို့ဆီကို လက်မှတ်ပြန်အပ်ပြီး မှတ်ပုံတင် ပြန်ထုတ်ယူကြရမှာပါ။ တာချီလိတ်ဘက်မှာလည်း ဝန်ဆောင်မှုပေးတဲ့ ခရီးသွားလုပ်ငန်းတွေ ရှိသလို၊ ထိုင်းက ကားဆရာတွေလည်း မဲဆိုင်က TBC ရုံးကို ကျွမ်းဝင်ပြီး သူတို့ လုပ်ဆောင်ပေးနိုင်ကြပါတယ်။ . . ■■■■■■■■■ ကားငှားမယ် ဆိုရင် ■■■■■■■■■ ထိုင်းမှာ ညအိပ်ညနေအထိ လည်ပတ်မယ်ဆိုရင်တော့ ထိုင်းဘက်က ကားတွေကို ငှားတာ ပိုအဆင်ပြေပါတယ်။ မြန်မာဘက်က ကားတွေက တစ်ဘက်မှာ အိပ်ဖို့ ခက်ခဲပြီး ပြန်အဝင်ပြရတာမျိုး ရှိတတ်လို့ပါ။ ထိုင်းက ကားက တာချီလိတ်ထဲအထိ လာခေါ်ပေးနိုင်ပါတယ်။ မိမိတည်းခိုရာ ဟိုတယ်တွေကနေ စီစဉ်ခိုင်းနိုင်ပါတယ်။ ကျွန်တော့်တုန်းကတော့ ဟိုတယ် တာချီလိတ်မှာ တည်းခိုတာ ဖြစ်ပြီး သူတို့ကပဲ လှမ်းချိတ်ပေးတာမို့ အတော်အဆင်ပြေခဲ့ပါတယ်။ ကားခကတော့ နေ့ချင်းပြန် (ရွှေတြိဂံ အပါ) ဆိုရင် ဘတ် ၂၈၀၀ ခန့်ပေးရပြီး၊ ထိုင်းစကားပြန် လိုအပ်တဲ့အတွက် စကားပြန် Guide ကိုက ဘတ် ၁၀၀၀ ပေးရဦးမှာ ဖြစ်ပါတယ်။ ထိုင်းဘက်က ကားဆရာအများစုက မြန်မာ နဲ့ အင်္ဂလိပ် မပြောတတ်ကြပါဘူး။ . . ■■■■■■■■■■■■ တာချီလိတ် မှသည် ရွှေတြိဂံ ဆီ ■■■■■■■■■■■■ တာချီလိတ်ကနေ နယ်စပ်ဖြတ်ကျော်ပြီး ရွှေတြိဂံ လို့ ခေါ်ကြတဲ့ မြန်မာ - ထိုင်း - လာအို နယ်မြေ (၃) ခု ဆုံရာနေရာလေးဆီ လာလည်ကြပါတယ်။ အချိန်အားဖြင့် ၄၅ မိနစ်လောက် ကားမောင်းသွားရတာပါ။ ထိုင်းဘက်ခြမ်းကနေ အလှဆုံးအနေအထား ဖြစ်နေတဲ့ နေရာလို့ ဆိုရပါမယ်။ ခရီးသွားတွေ ကို ပုံစံအမျိုးမျိုးနဲ့ ဆွဲဆောင်ရောင်းချတတ်တဲ့ သူတို့ရဲ့ပညာကလည်း မသေးဘူး။ အနားမှာလည်း လည်ပတ်ချင်စရာ ဘုရားပုထိုး၊ ပန်းခြံ၊ ဘုန်းကြီးကျောင်း၊ မုန့်ဆိုင်တန်း နဲ့ မဲခေါင်မြစ်အတွင်းစက်လှေစီးတာကအစ အဆင်ပြေအောင် စီစဉ်ပေးထားပါတယ်။ . Golden Triangle Park 〰️〰️〰️〰️〰️〰️〰️〰️ ဒီပန်းခြံကတော့ ရှုခင်းသာပုံစံလေးပါ။ ဒီနေရာမှာ ကျောက်တိုင်အမှတ်အသားတွေလုပ်ထားပေးလို့ ခရီးသွားတွေ အမှတ်တရဓါတ်ပုံရိုက်ကြတာ များပါတယ်။ မြစ်ဆုံနေရာကနေ ဘယ်နေရာက မြန်မာပိုင်၊ ဘယ်နေရာက ထိုင်းနဲ့ လာအိုအပိုင် ဆိုပြီး ကြည့်လို့ ခန့်မှန်း တွက်ချက်ရတာလည်း ပျော်စရာ တစ်ခုပါ။ . Golden Triangle Buddha 〰️〰️〰️〰️〰️〰️〰️〰️ ထိုင်တော်မူ ရုပ်ပွားတော်ကြီးတစ်ဆူကို မဲခေါင်မြစ်ကမ်းနဖူးမှာ တည်ထားတာ ဖူးမြင်ကြရပါဦးမယ်။ ဒီအနီးတစ်ဝိုက် ဆင်ရုပ်ကြီးတွေကလည်း အသက်ဝင်နေတော့ ဖြတ်လျှောက်ရတာတောင် လန့်တယ်။ ဘုရားကြီးကို လှေဖောင်ကြီးက ဆောင်လာတဲ့ ပုံစံ တည်ထားတာ...

Border crossing is open to cargo trucks only. Travelers, whether locals or tourists are not permitted to cross, even when the situation in Myanmar is considered safe. Currently, Thai and Burmese citizens can cross at the 1st friendship bridge. Citizens of 3rd countries are not permitted to cross. It could be that this border will never permit foreigners to cross again (same as the Three Pagodas Pass, where non-Thai and non-Burmese foreigners haven't been allowed to cross...

This bridge is not far from Mae Sai border crossing. It is only provided for cargo and commercial used. No personnel...