مطعم منتزه ملتقى الضيافة فرع الرياض — Restaurant in Riyadh Region

تجربة نوعا ما سيئة للاسباب التالية: ١- قله العمالة في خدمة الغرف وتحديد المسؤوليات وكذلك يتم وضع اسم مطعم لدلالة انه يعمل في المطعم. ٢- عدم وجود متعهد مثال عامل يستلم جانب مت الغرف ويكون جالس قريب لزبائن. ٣- نظافة الغرفة لابد من التأكيد من نظافة الغرفة قبل دخول الزبون فيها حتى ولو كانت فتاته خبز في الارض فمن باب اولى التنظيف. ٤- الخصوصية الزجاج يرى من في داخل الغرفة. ٥- طول الانتظار حتى يوصل الطلب ٦- عدم اكتمال الطلب مع العلم طالب كبدة الساعة ٩ يفترض الكاشير عنده تواصل بالمطعم لمعرفة الاصناف المتبقية. ٧- القهوة تحتاج لها هيل بدلا من الشنة اللي فاقعة فيها.

الطلب حقنا عبارة عن مضغوط حري رز بشاور او ابو سيوف لكن مو ابو بنتين ولكن قطعيات اللحم غير متساوية الاضلاع من خروف صغير والقطعة الثانية الاضلاع من خروف جبر كبير واللحم اغلب غير ذايب والنكهة في الرز ما فيه وطعم مثل طعم الدهن المتزنخ اما ان الزيت النباتي بالتنك قديم او ماشبه طعم الزيت طاغي والرز غير نثري كذلك يفترض عدم وضع البصل عليه مقطع خله بقصدير خارجي. المقلقل الطبق الوحيد اللي فيه طعم ولكن ليس ذاك الطعم اللي يخليك تستمع وضعنا عليه فلفل اسود لوفع الطعم وكان جيد. كبده ولكن شاء القدر ما تجي وللاسف ان العامل يقول هذا سعر كبده كامل ٦٩ ريال ترا ابي صحن حسب الطلب ولكن الحمدلله ما جات مخلصه. لذا اتمنى من صاحب المطعم قبل ان يخطو خطوة الحنيذ يكون عنده عاملين مدربين جاهزين ولازم طلب الزبون يجي...

نصيحه من مجرب اللي يبي الفضيحه يروح للمكان زرته على تجربة المفلسين وندمت ندم كبير عازم ناس رايح بدري وطالب ربع ذبيحه ودافع ومأخذ فاتوره وساعتين والطلب جاهز وبعد ساعتين اروح اسال عن الطلب بكل برود نعتذر طلبك ماسجل اللحم انتهى ضياع كل الزبائن في داخل المطبخ كل واحد يدور طلبه مدير الفرع رايح جاي شايل صحون المقلقل وياكل منها ويخدم الناس اللي يعرفهم اللي مسجل الطلب ومايدري عن شي من يمني لمصري لبنقالي كل واحد يرمي على الثاني نعوضك بحاشي إلا دجاج إلا تنتظر ساعتين زياده نذبح ذبيحه ونسوي طلبك مسرحيه فاشله بطلها فاشل ناهيك عن الاسعار الجهنميه ولافي طلبات اصلاً تدفع وتنتظر وطلبك ماله وجود حتى استرجاع المبلغ بالتحويل وتنتظر موافقه إدارتهم في جده خرجت من المكان ادور مطعم للناس اللي عازمهم الله يسود وجوهكم زي ماسودتوا وجهي نصيحه لصاحب المطعم انسحب ما انت بقد سوق الرياض ولا اهل الرياض انت فاشل ولاتملك المهنيه ولاالنظام ولا ادارة للازمات والضغوطات الأنشطة هذي يبيلها ناس أقوياء لهم باع في هذي الانشطه مو يوم ولليله تبي تصير طرزان ولا القهوة والشاي كشك يفتقر للنظافة في كل شي من عماله لمعاميله لكل شي والمطبخ حدث ولأحرج لانظافه والجلسات لانظافه ولاتلفزبون ولامكيف شي لايوصف والااشتراطات بس طقها وألحقها واللي مو مصدق اللي ذكرت يروح بعينه ويجرب تجربه واحده يعيش فيه...

علشان ما تكون التقييمات أغلبها سلبية، نقول المطعم جديد ويحتاج وقت علشان يتميز، على الرغم بأنه فيه فرع بجدة-حسب افادة الويتر- ولكن يحتاج لحبكة الشيف.

•اللحم طازج والاستواء ممتاز.

طلبنا مضغوط دجاج = كويس لكن عادي مافيه شيء مميز. برمة لحم= المرق لاذع وفيه ملوحة زايدة ليست ملح يبدو انها مكعبات مرقة لحم، كانت زايدة. مقلقل لحم= الكمية كويسة التقطيع مكعبات والطعم عادي.

••الخدمة: تأخر كثير الطلب ساعتين ( على الرغم من قلة الزباين) لكن نعذره أن التجهيز حسب الطلب.

• الجلسات متنوعة فيه صالة داخلية وفيه طاولات وفيه خارجية بالحديقة وفيه غرف خاصة.

• فيه شبك طيور زينة للفرجة

• فيه شبك غنم ( حريات) مدري اذا فيه نعيمي! لكن نصيحة لصاحب المطعم: غالبية اهل الرياض يفضلون النعيمي عن الحري، عكس جدة والجنوب.

يحتاج صاحب المطعم أن يكون عرض الذبايح النية امام الزبون الداخل .

العمالة تحتاج تدريب على الخدمة والتفاهم.

بالتوفيق لكم وان شاء الله نشوفه مثل مطعم الرمال (...