Chung Pui Campsite — Hotel in Hong Kong

由大埔墟站搭車到涌背燒烤場（275R只限星期日及公眾假期有車/20R小巴） 又或者搭的士 （大概一百蚊） 大概30至50分鐘就會到 以下為主觀感受 可能會因人而異 優點 廁所都算乾淨 隔離有燒烤叉回收箱同垃圾收集站 同埋自動售賣機 可以作小量補給 呢度喺正大尾篤同烏蛟騰中間 所以如果露營去三日兩夜 推薦大家第一日到烏蛟騰新娘潭 第二日到大尾篤 喺廁所出面有洗手盆可以洗餐具 又可以喺嗰度斟水帶返去營地 而且嗰度有少量洗潔精供應 呢度觀星可以話係一流 附近冇乜其他光源 不過如果想觀星可以過對面馬路 嗰度冇咁多樹遮擋住個天 某啲營地出面就有燒烤爐 唔使專登走落去 營地附近有唔少樹枝 如果覺得火唔夠大可以執少少返去燒 但盡量執地下嗰啲算 喺馬路有鋪好嘅樓梯上去營地比較高嘅位置 不過如果拎得比較多嘢就盡量唔好去咁高 喺營地附近有少量位可以泊車 不過唔好阻住條路

缺點 新娘潭路每逢假日都有好多電單車跑車 我去嘅時候因為臨近聖誕所以朝早7點到夜晚11點都有 噪音會比較大 而且都要注意安全 因為佢哋都開得好快 呢度交通比較唔方便 如果平日呢就淨係得小巴 每個鐘一班（逢40分開 7:40 8:40 9:40 如此類推） 假日有巴士同樣大埔墟站開 每20至30分鐘一班 但係大多為單層巴士 所以都唔係好多位 回程更加嚴重 有時小巴巴士喺烏蛟騰總站已經滿曬座 嚟到營地呢度通常都冇曬位 如果走嘅話盡量晏晝兩點到就要走 如果拎得比較多嘢嘅建議你哋提早一個鐘call貨van 一嚟比的士平 二嚟車尾廂嘅位比較多 唔使驚好似的士咁迫爆 呢度冇正式停車位 如果揸車呢隻可以泊喺路邊 營地高低落差都幾大 如果有長者細路唔係太方便 營位數量有限 如果可以嘅建議搭頭班車入嚟搵位（巴士7:30/小巴7:40) 如果唔係通常到咗九點十點半已經畀人霸曬 總括嚟講 我覺得營地基本配套都唔錯 但係交通未必太方便 如果要嚟嘅記住夾啱時間 同埋盡量早啲 咁都祝大嘅如果嚟嘅話可以有個愉快嘅假期...

There is a well-maintained public bath just by the campsite (although it tends to run out of soap).

The campsite itself may be packed with people during public holidays. Watch out...

Ideal place to chill out. Facing reservoir. There are several BBQ pits on the hill side.Easy access right on the bride pool road , we can reach by mini bus, car park. Clean...