·Janaria ·Zerbitzua ·Lekua

·Janaria: Karta aukeratu genuen. Janariari dagokionez, orokorrean goxoa zegoen. -Olagarroaz asko disfrutatu genuen. -Legatzak tamaina polita zeukan, ferskoa zen; baita berarekin zekartzan kokotxak ere. -Magretaren haragia goxoa zen, aldiz azpian zuen "pistoa" gazi xamarra zegoen: Saltsa oso kontzentratua zeukan eta pistoarenak izan ohi ez diren barazkiekin. Bestalde, aze mania platerrei siropea jartzeko, talka handia egiten du siropearen zaporeak eta intentsitateak gainontzeko jakiekin. Hala ere, disfrutatu genuen haragia. -Kalamar eta olagarro risotoak, ez zuen olagarro eta kalamar askorik... zaporez ongi baina ez zen beste munduko ezer. -Torrijari dagokionez... erdipurdikoa eta garestia. Ez da batere jan dudan torrija goxoenetarikoa. Ulertzen dut lana duela baina hamar euro... gainera orain begiratuta, webguneko menuan 7 euro jartzen du.

·Zerbitzua: -Gaizki, orokorrean. Bazkari bitartean eta ordaintzean tentsioa nabari zen zerbitzarien artean, eta esperientzia falta. Gainezka ikusten zitzaien eta hori joan ginen egunean ez zegoela jende asko. Iritsi ginenetik lehiotik ikusten genuena zen, jaso eta garbitu gabeko hamarnaka terrazako mahai. Harritzekoa terraza zerbitzurik ez zutela ikusita. Bazkaltzen amaitzean kanpora atera ginen kafea hartzera: hamabost-bat mahai zeuden eta denak zikinak. Guk garbitu genuen mahaia eseri aurretik; terrazara etorri ziren ondorengoek ere berdina egin behar izan zuten kexuka barratik zetozen bitartean. Gustora egon ginen kanpoan ia 40 minutuz, baina bertatik joatea erabaki genuen zerbitzariak gure mahaiko baso denak kendu zizkigunean. Sekulako errespetu falta iruditzen zait, batez ere ia bi orduz arreta jarri ez zaion terraza hutsik dagoenean eta biren artean 110€ gastatu ditugunean. Joatea edo zerbait berria hartzeko behartzen zaituztela dirudi; azken aldian ohikoa ari da bihurtzen hau eta benetan desatsegina da.

·Lekua: -Jangela polita, argia eta garbia da, baina leku askok duten akatsa dauka. Zarata. Ez duenez inolako tratamendu akustikorik elkarrizketa guztiak nahasten dira; gehiago entzuten dira ondokoen elkarrizketak zurekin bazkaltzen ari direnenak baino. Alde honetatik ez da leku "goxoa". -Jangela ez da oso handia, eta sarrera-irteera bakarra dauka. Irisgarria da lekua baina arazoren baten aurrean hau zailtasun bihurtu liteke. -Leiho handia dauka, argi asko sartzen uzten diona eta Urdaibai apur bat ikusten uzten duena. Hala ere protagonismoa kentzen zioten aurretik aipatu bezala kanpoan jaso eta garbitu gabeko terrazako mahai guztiek. Iritsi ginenetik amaitu genuen arte halaxe egon ziren. -Lokaleku ederrean dago Madaixagane. Irisgarria da eta aparkaleku handia dauka. -Ez dago oso ongi seinalizatua bertara iristeko bidea. Aparkalekuan iritsitakoan "ekoetxea" ikusten da soilik eta ez dago bertan jatetxea dagoela jartzen duen tokirik, baina tira behin gerturatuta aurkitzen da.