Fai tempo que non poño unha opinión dun establecemento, pero neste caso considero que é preciso. O mais importante dun restaurante é que o produto sexa bo e que estea ben tratado, e neste punto, o establecemento cumpre perfectamente (xa teño estado en varias ocasións). Pero ademais é preciso que toda a experiencia sexa o mellor posible, é ai é onde vai miña crítica que pretendo que sexa construtiva. Non é aceptable que o mantel tivera unha mancha. O mantel estaba limpo, pero tal vez era unha mancha que quedan no interior do tecido, non sei, pero se debe buscar unha solución pero non poñer na mesa así, xa que da unha imaxe de descoidado. O tempo de espera: foi INCRIBLE. Cheguei as 15:34 e saín as 17:20, para comer un entrante, o prato principal e unha sobremesa (sacoume as ganas de pedir o café e esperar 30 min mais), non creo que sexa necesario tanto tempo. Non sei cal é o mellor procedemento para diminuír eses tempos, non son ningún experto (para eso haberá empresas especializadas en xestión), pero ter que esperar polo chef 30 min para que che veña a “cantar a carta” non creo que sexa o mellor sistema. Supoño que o persoal de sala pode aprender o que teñen cada día ou o escribe nunha nota (non é preciso unha carta, nin QR, nin web, nin nada de eso, unha simple nota de papel co que hai e punto!). As seguintes consideracións, para min non teñen importancia, pero considero que deben telo en conta para outros clientes. En primeiro lugar, o chef/dono se sube a traer os pratos a uns comensais ten que facelo con todos, uns si e outros non, da unha mala sensación, porque podes pensar que hai clientes de primeira e de segunda (é feo). Logo, a sala debe estar algo mais climatizada, ver a clientes a comer con abrigo é algo raro. Por último, e sen ser moi importante, os pratos deben estar completos, non faltarlle anacos. Saúdos