शिवाजी महाराजांनी जेव्हा किल्ला बांधणीचे काम सुरू केले. त्यावेळी बांधकामासाठी लागणारे दगड दुसरीकडून आणणे खर्चिक झाले असते. म्हणून महाराज आज्ञापत्रात म्हणतात“आधी खडक फोडुनी तळी बांधावी”. यातून महाराजांची दूरदृष्टी दिसून येते. म्हणून रायगडावरील बांधकामासाठी आधी तिथला दगड काढण्यात आला आणि नंतर बांध बांधून पिण्याच्या पाण्याची सोय सुध्दा करण्यात आली. ह्या तलावाचे दुसरे वैशिष्ट म्हणजे श्री शिवाजी महाराजांच्या राज्याभिषेकाच्या वेळी आणलेले सप्त नद्यांचे आणि समुद्राचे पाणी ह्याच तलावात टाकण्यात आले म्हणून ह्या तलावाला गंगासागर असे नाव पडले.