Pak Lap Wan — Local services in Hong Kong

. 香港東邊嘅海灘/海岸一定比西邊靚。首先係水靚 ; 因為遠離珠江口而與珠江混濁黄泥水永世相隔。另外，本港吹東風日子比吹西風日子多好多且比西風猛烈，而東邊更係本港地質多樣性(地質公園亦喺該區)區域。東風挾帶著海浪經億萬年不斷地拍打、腐蝕、風化而將海岸、巖石雕塑成千姿百態。仲有潮汐、風聲、浪湧聲，天上嘅鷹鷗翱翔，山脊佈滿植披，夜來仰天星宿，晨起朝陽初昇 ; 大自然嘅脈博、編排每日都自然地上演，感覺上嘅"靚"，西邊的確稍有欠缺。而攜同情侶喺幼沙白岸露營一宵，更是無限繾綣。對於真正喜歡海洋、大自然的人(不感興趣者則全無感覺 ; 皆因内心所處"維度"不一樣而無法有感應！)嚟講，那是身心嘅快樂、釋放…… . 正是 : . 眼眶同海闊，心緒共雲齊。 . 朝輝灑百川，氤氳涵巖坭。 . 湛藍舟痕白，風和獨木細。 . 營露白沙洲，身仆碧浪噬。 . 白沙灣，正正符合綜上所述。喺一個夏日晴天 ; 真正風和而日麗，白雲悠悠 ; 將自身身影無意念地投放於山與海，地平綫至極儘而天海相連。獨木舟，係湛藍海面最顯眼嘅水上活動。夏日雖熱，卻非常適合露營過夜。此處能令不少家庭或情侶時常前嚟而又樂而忘憂嘅原因，除咗以上所述嘅自然環境之外，更且係喺海灘邊就有一間具備各種適時所需嘅大型"士多" : 有飲品、麵食、廁所、沖身、沙灘遮、獨木舟租賃……等服務，一應俱全而無須擔心帶漏或不足而令過夜不似預期。 . 喜歡露營野餐，自有露營野餐、釣魚、游水衝浪嘅玩法及樂趣。但鍾意行山嘅，又有行山嘅好去處。面對大海 ; 左手邊沿海邊巖岸碎石漸往上去，横過山嶺就係相傳嘅木棉洞。一路上，風光無限，打卡點處處。遊完木棉洞，喺山脊上有路可返回白臘海灘。若仍有餘興而覺未夠喉者，則可喺海灘處重新起步行埋右手邊嘅白虎山。喺前往東丫嘅山路上其中有横向山徑通往白虎山，去到儘頭便更見明媚 : 彷彿，霎那間 ; 胸襟如海廣闊，天地之間再無塵世！若閣下對行白虎山冇興趣，亦可沿山路逕直往東丫，嗰度亦係一處食海鮮嘅地方。該處以養殖海膽為主，以食海膽作招徠，再加以海鮮作輔。當然，價錢並非相宜，且要睇季節 ; 夏天肯定唔係一個食海膽嘅好季節。 . 若閣下任何地方都懶得行而祗想喺海邊歎啤酒、吹海風、睇人衝浪、游水的話，白臘灣亦係好去處。由村口(栅欄之後)一路行到海灘，短短一段路 ; 蘭花、河花，翠綠如茵嘅草地(以前係有牛喺度食草㖭㗎，而家俾村民用栅欄阻隔牛隻進入 )，油到七彩嘅村屋，鄉間嘅小路，已經令人賞心悦目，内心倍感寧靜、舒服，煩惱消儘。更何況到海灘消磨一整日？！ . 要到白臘灣，會有少少轉折 ; 簡單地講 :...

beach become stones bay after super typhoon, pity trees and feel bad....Save...

Water here just OK, not really clear enough compare to...