JOLLA CAFE — Restaurant in Al Ahsa Governorate

سلام ..، عالرغم اني ماعمري علقت في اراء قوقل ولكن .. حبيت اعلق عشانها بنت البلد واكتب تجربتي بكل صدق - زرت المقهى اخر يوم من الافتتاح التجريبي ..، قبل لاازوره كنت اشوف بين مدح وانتقاد وقلت اجرب بنفسي ( جربت تيراميسو ) يجنن يجنن يجنن من غير مجامله ( مجربه التيراميسو بمقاهي اقدم واشهر من مقهى جولا وكان التيراميسو بجولا التوب عندي ♥️ وجربنا كيكه جوز الهند السويسرول شكلها مرتب الصوص المربى حسيت لو اكثر كان قليل حيل او لو فيه جانبي بس زوجي عشق عشق عشق الطعم كانت لذيذه جدا جدا جدا مافيها ولا غلطه توازن الطعم - طلبت وطلبنا ( لوفر كيك ) كنت متردده كنت متخيلتها كيكه جاهزه بنيه وفوقها شوكلاته ( كنت احس انها تغث وانه مستواها عادي (( بس والله تفاجأت كانت بعيده كل البعد عن الكيك البني الجاهز كيكه لذيذه لذيذه لذيذه مو حاليه حيل حلاها موزون فيها شي بالنص مدري وش اوصفه كان شي مقرمش 😄 مدري كيف اوصف بس حيل معطيها كسره طعم ولذاذه ( لو تزيدون الكميه اللي داخل من الشي كانه شوكلاته مكسر او شي بيكون بعد لذاذه بس هم حيل تجنن — المشروب سبانش لاتيه حار وبارد وكانو اثنينهم حلوين ( اعطيه ١٠ / من ١٠ ) فقط انتقد انه المكان شوي صغير وربي يبارك لها وتوسعه + وهذا الشي الاهم دورة مياه وحده مختلطه جداً ماحبيت مكان غسيل ودوره مياه رجال وحريم اشوي مافيه خصوصيه من هالناحيه التكيييف التكيف لو ابرد المكان شبه حار اشوي بس الاكل ( بالحلا ) كتجربه اجرببببببها واعيد التجربه...

وصلنا المكان وماكان في مواقف الا نهاية الشارع عند الوكالة فوقفنا ورحنا للمقهى مشي، تفاجئنا اول ماوصلنا الى واجهة المقهى على طول جا العامل لنا برا وقال لنا ترى ممنوع دخول الاطفال وقلت له بنتي عمرها خمس سنوات ونص مافي فرق عن الست سنوات لكن رفض! واحترمنا سياسة المكان وقلنا بنطلب طلب خارجي ودخلنا ولما جينا نطلب رجع الكاشير وقال ترى ممنوع الاطفال والطلب خارجي فقط ! وكانه ماشاف العامل اللي استقبلنا قبل حتى ماندخل وقال هالكلام موفاهمه يعني بنستغفلكم ونجلس ولا شنو؟ احترمو العملاء الحركة ابد مو حلوة خلاص مايحتاج تعيدون علينا كل مرة، وفعلاً اخذنا طلبنا واضطرينا ناكله في السيارة.

المكان مرتب ونظيف

بالنسبة للاكل: لوفر تشوكلت كيك: صراحة اقل من عادية يعني مافيها شي ينعاب لكن في نفس الوقت لا الحجم ولا الطعم متناسبين مع السعر مافيها اي شي مميز😶

ترايفل المانجو: الحجم بالنسبة للسعر مناسب والكمية راهية ماشاء الله لكن الطعم؟ بالنسبة لي ابداً ابداً مو قد المدح والحماس عادي جداً جددداً ،وياليته لو كان ابرد وتكون التوتيات اللي فوق اختيارية لان مو الكل يحبهم

فلات وايت: اكثر شي عجبني التبخير مضبوط والبن مافيه نكهة الحرق الكريهة بالعكس لذيذ عجبني بصراحة

سبانش لاتيه: الحليب طعمه اكثر من القهوة والسيرب اللي مستخدمينه في نكهة مدري كيف ماجازت لي لكن صاحب الطلب عجبته

بشكل عام مافيه اي زود عن باقي المقاهي لا في المكان ولا الاسعار...

تجربه جميله ولذيذه في الحقيقه طلبت سبانش لاتيه بارد و فرنش توست ماكانت عندي توقعات عاليه للكوفي بحكم ان تركيز الجميع على الحلا.. لكن فاجئني انه مو حالي بزياده للدرجه اللي تغث. ولا هو خفيف كأنه حليب! رغم اني ما طلبته دبل شوت لكن طعم القهوه كان واضح وموزون 👌 والفرنش توست رغم ان شكله صغير في الصور لكنه بالواقع قطع كبيره خفيفه ولذيييذه👌 مزج النكهات القرمشه من برا والهشاشه من الداخل قطع الفواكه والنعناع والكاسترد حكاية وزن متعوب عليها قد تكون الاسعار مرتفعه قليلاً للحلويات ولذلك زيارة الكوفي وحيداً غالبا ليست الخيار المناسب.. الاصوات في المكان نوعا ما مرتفعه قد يكون بسبب تصميم المكان عُدت لمره ثانيه وثالثه للأسف طعم الفرنش توست اللي عشقته بالمره الأولى تغير ما عاد فرش كما كان 🥺 التيراميسيو حلو موزون بس هل هو أفضل حلى والتوب؟ امممم .. لا.. اشوف الفرنش أفضل

أيضاً مهم جداً زيادة سرعة تجهيز الطلب.. توقعت بتتغير مع الوقت بحكم ان الموظفين جدد لكن لازلنا ننتظر على الأقل ما يقارب ١٠ دقائق لتجهيز طلب خارجي...