A chegada da Pinta a Baiona, o 18 de febreiro de 1493, capitaneada por Martín Alonso Pinzón, non foi casual, pois alí estaba de rexedor o que fóra durante tantos anos a man dereita de Pedro Madruda: o seu capitán Paio Veloso, quen de seguro tiña instrucións do Almirante do que tiñan que facer. O piloto principal da Pinta era Cristóbal García Xalmento, natural de Val Miñor, preto de Baiona, que coñecía de sobra o lugar de arribada. Colón arriscou a súa vida e a da súa tripulación enfrontándose durante unha semana enteira á fortísima tormenta das Azores para ir cara a Lisboa, cando o máis prudente sería facer o mesmo que Pinzón; pero fixo para non vir parar a Galicia e expoñerse a ser recoñecido polos seus compatriotas. O piloto principal da Niña, no que viaxaba o Almirante, era outro miñorense chamado Sancho Ruíz de Gama, no que Colón tiña unha total confianza. É moi posible que os dous pilotos estivesen ao servizo de Pedro Madruga en Galicia antes da travesía ao Novo Mundo. Coa conmemoración do V Centenario do Redescubrimento de América, construíuse unha réplica exacta da embarcación da carabela A Pinta que pódese visitar no peirao de Baiona, en pleno paseo marítimo, fronte ao porto deportivo. No seu interior trata de recrea os obxectos traídos do novo mundo.