泰味泰國菜 — Restaurant in Tsuen Wan District

泰味泰國餐廳

今次要介紹喺荃威花園二期附近一間泰國菜餐廳，呢間餐廳雖然唔係好大，但入面d食物性價比好高，而且門口又有斜路，店員招呼又好好，泰菜款式又多，喺荃灣泰國菜餐廳嚟講應該最好味！

1.馳名無骨海南雞飯$53+龍眼冰$10（9/10） 呢個無骨海南雞飯個雞好嫩滑，唔會太油，雞肉有雞味，仲有豬紅、雞腎同青瓜，好有去咗泰國嘅感覺！ 飲品揀咗龍眼冰，叫餐加龍眼冰只係需要$10，原價一杯$18，龍眼冰只係多咗少少甜，龍眼肉唔假，有龍眼味！

2.泰式濕炒河（海鮮+5）$60（9/10） 呢碟海鮮濕炒河入面嘅海鮮份量相當驚人，入面海鮮有鮮魷、秀珍菇、蝦仁、紅蘿蔔同菜心等，河粉好煙韌，而且唔會碎，好好味！

3.泰式酸辣鳳爪$34（10/10） 呢碟泰式酸辣鳳爪個鳳爪份量好多，無骨之餘仲唔會太酸，辣度啱啱好，價錢親民，勁好味！

4.泰式馬拉盞通菜$46（10/10） 呢碟馬拉盞通菜份量都多，成碟通菜唔咸，味道啱啱好，莖部好爽口，好味道！

5.泰式串燒（雞、牛各3串）$98（10/10） 雞牛串燒燒得肉質唔韌，又唔會乾身，肉質勁juicy，我叫咗雞肉同牛肉各3串，必叫之選！

6.泰式燒雞（半隻）$95（10/10） 呢半隻泰式燒雞燒到外皮有少少脆，肉質幾juicy，未食已經聞到好香，都係必叫之選！

7.芒果糯米飯$55（10/10） 呢碟芒果糯米飯簡直超正，唔會超甜，芒果唔會好酸或好甜，味道啱啱好，糯米飯夠熱，簡直超正！

8.原個椰青$38（10/10） 黎到泰國菜餐廳點都要叫一個椰青嚟飲，椰青清甜，簡直係解渴之選！

2人總共價錢$489

個人口味總評分：9.75/10

@thai_tastyy

地址：荃灣荃景圍187-195號荃威花園二期地下6號舖

Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️

#泰味泰國餐廳 #泰國菜 #荃灣 #荃灣好去處 #荃灣美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies...

今日有地頭蛇帶本豬嚟荃灣泰味 藏身喺荃威花園嗰頭 少隱世ԅ(≖‿≖ԅ) 不過食完之後發現咁平咁好食 真係值得特登嚟試吓～ 餐廳唔算好大 但係好有泰國風味🇹🇭

✧ 原塊燒豬頸肉（$78） 燒豬頸肉燒得啱啱好 外香內爽嫩 偏肥少少 咬落去啖啖肉汁油香(๑˃̵ᴗ˂̵)و 配埋個微辣嘅泰式醬汁

✧ 原個椰青（$38） 食泰國嘢梗係要飲椰青🥥 新鮮同清甜就基本 平過$40嘅椰青有幾多間餐廳特飲做到 飲完仲可以𢳂埋啲椰肉食🤭

✧ 泰式雞肉炒粉絲（$62） 呢個炒粉絲鑊氣十足 粉絲炒得乾身 唔會太油膩 雞肉好嫩滑 同粉絲一樣咁入味 仲有啲芽菜增加口感～

✧ 珍多冰（跟餐+$10） 跟餐嘅特飲淨係加十蚊！ 椰汁好夠甜同勁多cendols💚 呢杯一改本豬對珍多冰嘅印象 以前食過嘅cendol都係好乾身好硬 但呢個咬落好煙韌 好似飲台式手搖咁( '༥' )

✧ 泰皇咖喱軟殻蟹（$88） 好鍾意軟殻蟹炸完腍腍地好易入口嘅感覺 同平時硬殼要拆嘅蟹比正勁多keke 🦀 咖喱汁creamy 有得揀辣度🍛 啖啖肉 配埋白飯食就好🍚

✧ 菠蘿雞絲炒飯（$55） 呢個炒飯好足料 有雞絲、蝦仁 腰果 提子乾 仲有菠蘿粒🍍 炒飯粒粒分明 乾身唔會太油膩 仲加多$5要隻煎蛋🍳 Double滿足ᡣ𐭩

✧ 泰式豬頸肉炒飯（$60） 試完原份豬頸肉再叫多個豬頸肉炒飯 豬頸肉切得好大粒 而且份量好多 相比之下佢肉粒係甜啲同埋冇咁油 配埋個多蛋嘅炒飯好正^^

✧ 泰式燒雞（半隻）（$95） 呢個燒雞嘅皮燒得好入味 雞肉嫩滑多汁🐔 配埋個泰式醬汁好夾 而家個份量好多3個人好夠食

✧ 椰青糕（$8/件） 第一次食大菜糕質地嘅椰青糕 呢個椰青糕好清甜 好爽🥥

✧...

荃灣食泰國菜，多數去路德圍食金X嘅，今次想試下新口味，所以搭巴士上山，去到荃威花園試下其他舖頭。呢度舖仔細細，但聽到廚房交替用泰文同廣東話溝通，張單都有泰文字。泰國人做廚房，都算品質保證。

馳名無骨海南雞飯 $53 油飯正常發揮，香料味足，但唔太油。雞應該係龍崗雞，有雞味都有少少油。酸辣醬點雞可以解膩，仲有雞腎同豬紅營造泰國風味。如果要彈，只係無另外俾碗冬瓜雞湯，令佢無去到最泰國嘅感覺。

青咖哩牛肉撈米線 加咖喱汁 $52 泰式咖哩比較少落薯仔，整到湯底比較稀，所以其實好適合配粉麵，不過出面比較少呢種配搭，今次終於試到。呢間嘅青咖哩唔太辣，有椰香味，雖然牛肉比較少，但泰國青茄同香葉呢啲都好多，開頭以為泰國米線，但中式米線都好適合咁撈，有下次。

泰式馬拉盞什菜 少辣 少鹹 $51 蔬菜同出面嘅雜菜接近，都係椰菜、芥蘭、紅蘿蔔、西蘭花、椰菜花同海鮮菇，不過醬汁除左馬拉盞之外，有少少泰國豆醬，有鑊氣，都唔太辣，但真係比較鹹，我地其實需要一碗白飯。

泰式串燒 雞牛（半打）$98 肉類燒得入味，未點醬汁，已經有少少沙嗲香味，當然點埋更好。沙嗲醬本身微甜，有花生香，超正。

泰式小食拼盤 $78 拼盤有春卷、鳳尾蝦春卷、雞寶同牛油雞翼。都係一般貨色，但春卷同雞翼有驚喜。春卷外皮炸得超脆，餡有主要係芋頭絲，加少少豬肉，但非常入味，有鹹水角感覺。牛油雞翼香口，有少少牛油香。

龍眼冰 少甜 少冰 $18 龍眼冰香甜，同埋龍眼好大粒，感覺滿足。

青檸梳打 少甜 少冰 $18 青檸加濃縮果汁同梳打水，感覺非常清新。

青檸梳打...