O Pazo de Santo Tomé encóntrase no centro da vila de Cambados, no barrio de seu mesmo nome, mirando cara ó mar. É un edificio barroco do século XVIII e foi solar dos marqueses de Montesacro. Hoxe en día funciona aínda como residencia de maiores, por expreso desexo dos seus propietarios, que o doaron para tal fin. Accédese a el por unha solemne escaleira, situada a ambos lados do conxunto arquitectónico do que forma parte o edificio. Na fachada principal destacan as grandes ventás e balcóns, os tres da planta superior unidos por unha pequena terraza de ferro forxado, así como o escudo familiar dos Zárate e Murga, timbrado coa Cruz de Santiago con elegante coroa da que sae un brazo que esgrime unha espada. A ambos os dous lados do escudo pódense ver unhas puntas situadas no tellado do edificio. Anexa ao pazo atópase a Capela da Virxe da Valvanera, de tradición rioxana, traída a estas terras polos marqueses de Montesacro.