O Pazo Torrado atópase na Rúa Príncipe, fronte á Praza da Leña. Foi construído pola familia Torre de Asadelos na primeira metade do século XVIII. Na fachada do edificio vense varios escudos de armas coas liñaxes da devandita familia. No Pazo viviron personalidades importantes da localidade, como o alcalde do municipio, don Xoaquín Antonio Torrado, o cal foi unha das persoas que incitaron á localidade á sublevación contra a invasión francesa no ano 1809. No século pasado, o Concello de Cambados comprouno e rehabilitouno pra dedicalo a sala de exposicións, tanto de pintura, como de fotografía e escultura.