一笑食堂 — Restaurant in Kowloon

因為雞翼事件, 覺得老闆好似有D慘，而長沙灣谷又好多人話佢質素好好，唔係地產先生講到咁差，所以去咗試試. 佢路邊嗰間舗改咗名做千笑，主要做拉麵，商場巷仔有兩個舗位做居酒屋，一間有廚房同bar檯，一間齋放檯櫈，我哋坐喺後者，因爲有客人，唔方便影環境相，以環境計，我只可以當佢係平民居酒屋。

撞正一家7口(5個女人2嗰細佬)食飯，開大大聲個pad睇卡通，同waitress講咗聲，佢就幫忙叫佢哋細聲少少... Service唔錯，除咗年紀大少少嗰位waitress講嘢無尾音外，其他waitress都好有禮貌好helpful。

雙色丼$88 (蟹肉、吞拿魚蓉)，三色丼$128 (蟹肉、吞拿魚蓉、海膽), 我哋揀咗後者. waitress話個飯已調味, 唔夠先自己落豉油, 飯調味我覺得ok, 但飯份量太少, 好彩海膽鮮甜, 開頭覺得多$40只係多咗依舊仔海膽, 覺得有D唔抵, 不過出面壽司店靚D嘅海膽軍艦都40幾蚊一件, 而佢又的確係鮮甜嘅, 算啦... 吞拿魚蓉正常, 蟹肉預咗係罐頭貨㗎啦, 唔通用新鮮蟹拆肉咩。如果飯份量多返D會覺得值D。

三色丼加$35轉餐，有小食同$12嘅罐裝飲品，我哋揀咗炸雞，以坊間日式炸雞標準, 肉汁唔夠，味道正正常常。

話題"名古屋炸雞翼"$38有兩隻雞全翼，坦白講，味道好一般，比街邊炸雞翼脆D咁啦。

紅酒鵝肝$48，我預期嘅係用紅酒煮嘅熱食，但原來係凍食，似係用現成紅酒鵝肝切片(HKTV...

呢間係朋友帶我去食既，呢間位於小巷裏面，店鋪不大，只有BAR枱位，以及一張摺枱！

座低後，望望餐牌，佢有店主推介，同埋加錢可以有套餐，加一款小食同飲品！

朋友叫左個必食豚骨拉麵，我就問店員有咩好推介…佢介紹我食櫻花蝦湯泡飯，叫果日凍凍地，就聽佢講啦！另外，我地都叫左個雞翼，醉鮑魚同埋炸豆腐小食。

我地都加左個套餐，佢既小食唔係出面果啲普通沙律，佢有兩款俾我地揀，慢煮雞胸沙律同埋芥末八爪魚。咁我地兩個人，當然每樣一個啦！佢既野飲係日本烏龍茶同日本蘋果汁，睇得出店主真係有心俾返好既質素你！

慢煮雞胸沙律我以為係沙律菜果啲，但錯喇，佢係雞胸配上佢地自制既薯蓉，佢地建議雞胸夾埋薯蓉一齊食；雞胸唔會好鞋，夾埋佢既薯蓉好滑，好特別，好味。

而佢既芥末八爪魚係配左兩塊紫菜俾你地夾住一齊食，又係好特別，以小食黎講唔錯，唔會太過辣。

而佢既櫻花蝦湯泡飯，黎到既時候都聞到好香既蝦味，佢黎到既時候有兩塊叉燒，有好多櫻花蝦；我其實唔鍾意食泡飯，因為覺得會好咸，但我錯喇，飲一啖湯，嘩，好濃烈既蝦味，唔會好咸，送飯好好食，又有好多櫻花蝦，令到我對泡飯改觀，真係一啖一啖咁食，最後我同朋友都飲晒個濃湯，真係超出我預期！！

至於個豚骨拉麵，因為食左個泡飯，真係比下去了！其實味道唔算太差，個湯底奶白色，麵質可以彈牙一點，佢既叉燒好淋，唔錯架！

佢其他既小食都好好食，佢既雞翼同炸豆腐整到好脆，但又唔會好油。

佢既鋪頭係小巷入面，諗住邊有生客，不過我一路食既時候，就見到好多住附近既人經過同老闆打招呼，同埋不斷有唔同熟客黎幫襯，可見佢都有一定既質素先會熟客既，可見呢度都有一定既人情味。 ...

朋友住長沙灣先知有間隱世日本小店. 超抵食高質日本拉麵, 朋友帶我黎一試。小店裝修好別緻, 好有日本feel, 真係小店, 坐位不多, 圍住個開放式廚房 有大概9個位. 小店門口可放多兩張二人枱. 朋友話平時食飯時間一定滿座, 所以我地今日要早少少到. 12:15就到第一枱客. 佢地餐牌食物選擇不多. 應該係貴精不貴多!

元租博多豚骨拉麵 +$35套餐 有溏心蛋 + 慢煮雞沙律 + 飲品 個拉麵都幾大碗, 當然第一口係要飲下個奶白色綿綿嘅豬骨湯. 個湯真係完勝好多在香港開店嘅日本連鎖拉麵店. 拉麵掛湯 勁香 , 日式叉燒薄切肥瘦均勻, 口感彈牙可口. 麵好熟度剛好煙韌,好有日本匠人既精緻味道, 性價比極高。 加錢跟餐配左個 慢煮雞沙律 -好有驚吉, 雞肉肉質嫩滑, 配埋薯蓉加少少沙律醬, 非常好味開胃. 個拉麵食$59 超平. 價比咁高 加多35蚊可升級套餐，跟一份小食同飲品 真係超級抵食.

三色丼 - 有海膽 , 蟹肉 , 吞拿魚. +$35 芥末八爪魚+ 飲品 嘩又係大大份, 本身諗住唔會太大份啦, 一上枱又一驚喜 吞拿魚山再成埋蟹肉, 再配大大件海膽.

3個主角都勁觧甜. 店員仲提我地加D 芝麻同豉油慢慢調味, 勁滿足 , 又香又鮮甜, 份量又多,超級超級抵食好食. 仲有芥末八爪魚夠新鮮配埋芥末醬開胃醒神.

價廉物美, 性格高....