“沙茶牛肉小火鍋+美國黑豚肉片”($79+$8) “盆栽珍珠奶茶”(+$10) “無骨香辣三杯雞肉燥飯配台灣腸”($73) “巨峰提子檸檬冰”(+$0) “鹽酥花枝丸”($29)

已經好耐冇食呢間101台式休閒餐廳🤣 今次去青衣城2期見到一於食吓先😆 原來宜家個menu豐富咗好多😍 連一人涮涮火鍋都有得食🍲 簡直岩哂呢排食火鍋食上癮嘅我😛 小火鍋套餐會包鍋物同主食 仲可以以特惠價追加飲品同肉類😝 鍋物有成15款😍我就揀咗沙茶牛肉小火鍋🐮 主食要新竹米粉,再加多份美國黑豚肉片🐷 火鍋配料夠哂多😋除咗主角沙茶牛肉片 仲有魚腐,玉子豆腐,包心菜🥬,蕃茄🍅,粟米🌽,金菇,紫洋蔥 牛肉片食落軟腍,仲吸哂啲沙茶醬味☺ 黑豚肉片一碟有3大片😛肥瘦程度都適中😙 食到咁上下就加埋啲新竹米粉落去 新竹米粉幼滑爽口,索哂啲湯好正😆 飲品方面用$10要咗杯盆栽珍珠奶茶🧋 嚟到嗰陣驚呆咗一下因為超級大杯🤣真心抵到爛😂 飲落係好經典嘅台式奶茶味☺珍珠都幾煙韌好咬🤩

另外仲要咗份1人套餐 套餐包咗主餐,小食同飲品 主餐有成30個選擇!連小食都有12款😂 即刻選擇困難症上身🤣 最後揀咗無骨香辣三杯雞肉燥飯加台灣腸😛 再單點咗一份鹽酥花枝丸食😆 三杯雞肉質算滑,香香辣辣咁幾惹味 配埋肉燥真係好好送飯🍚 跟餐嘅台灣腸雖然話係細size,但份量比得超多🤣 如果啲台灣腸有加埋蒜片就更正😛 鹽酥花枝丸有5粒每粒都炸到金金黃黃 食落彈牙,面頭仲加咗啲辣椒粉好惹味🌶 飲品係跟餐免費嘅巨峰提子檸檬冰🍇🍋 又係超級大杯,成杯大啤酒咁🤣 味道就近飲凍檸賓😆 咁多年嚟呢間101台式休閒餐廳都係咁抵食🤩 唔怪得長期都咁多捧場客😆