Pokka Cafe (青衣城) (青衣) 📍 青衣青敬路33號青衣城201舖 好耐冇食鐵板牛扒餐🥩❤️，去完迪士尼出返青衣城搵食，見到呢間主打創意西日式料理的Pokka Cafe 好多分店，保證有水準，決定入去嘆番個鐵板餐🍴☺️ 店內裝潢設計風格高檔，設有多個打卡位🤳😎又有咖啡豆保存教學圖等，餐廳主調用上金色，盡顯矜貴高級。 一場嚟到都唔食佢數量限定澳洲🦘鐵板牛扒套餐，揀咗主菜牛扒之後可加配套餐組合A 任選3 款（平民級選擇：白飯或意粉或炸薯條，汽水奶茶等）/ 套餐組合B 任選3 款（高級選擇：溫泉蛋、龍蝦湯、尊貴特飲等），豐儉由人。 紐西蘭西冷牛扒（200 G）：用鐵板呈上，經典「炸炸聲」香氣撲鼻😃牛扒不用說要幾成熟，直接放喺鐵板上自己控制溫度，牛扒肉質嫩滑，切開時帶粉嫩顏色，保持到肉汁，加埋炸香左嘅蒜片同蒜蓉汁，完美。 +邪惡芝士薯條🍟：薯條炸得香脆可口，係最愛的粗薯，芝士熔岩味道香濃帶奶脂香，蘸上邪惡芝士，肥就肥，食咗先至講😂 +龍蝦湯：竟然有小龍蝦🦞肉粒，湯頭非常濃郁，帶有龍蝦膏海鮮味，真材實料，比較濃稠。

• 凍朱古力咖啡☕️： 咖啡飲落有層次，有附屬嘅香氣，配上朱古力🍫出奇地夾，仲有棉花糖同忌廉喺表面，飲落甜度適中，不錯。 紐西蘭肉眼扒（200 G）：肉眼牛扒好厚切，自家製蒜蓉牛油🧈因鐵板熱力溶化，牛扒食落不多筋，黑椒汁香濃帶點辣，完全吾洗怕會韌，個人喜歡五成熟，牛味香濃夠粉嫩。 +意大利粉：略嫌偏乾，但倒上黑椒汁是OK +煙三文魚🍣沙律🥗：有車厘茄同新鮮沙律菜，食落爽口，脆脆的，醬汁酸酸甜甜好開胃。 +凍咖啡☕️：原始是最好，意大利濃縮咖啡☕️略苦，但加奶中和，入口順滑，飲落舒服😌。 追加小食： 日式芝麻雞翼：共有三隻，雞翼脆到連骨都可以食埋，大推，香脆可口，芝麻放表面增加香氣，平時放題食得多，估唔到咖啡店都有高質雞翼。 香味飯團🍙：用飯素包裹而成，毫不吝嗇的紫菜，飯團大小合適，用晒飯素，不用調味都已經好香。 總結： 大推鐵板牛扒餐🍴🥩 員工服務態度好 再光顧 #青衣#青衣城2樓#牛摩旁邊#pokkacafe#紐西蘭西冷牛扒#肉眼扒#肉質鮮嫩#鐵板餐#套餐抵食