جزارة ومشويات مفتاح السيد — Restaurant in Matruh

لم اتعلم من اول مرة اول مرة كان الطلب شاورما لحمة وحواوشى وش بيتزا فى الحقيقة الحواوشي كام معقول . اما الشاورما كانت لحمة ناشفة جدا ومحروقة ولا تمت بصلة بطعم الشاورما. طبعا اكتشفت ده بعد ما روحت البيت للغداء. تانى مرة قلت اجرب الكفتة والحواوشى المخصوص من غير بيتزا وبالمرة انبه الكاشير ان الشاورما كانت وحشة ولا يليق بسمعة المحل . كان الرد متصلتش بالمحل ليه فى ساعتها . قلت له ده مش ممكن لانى ساكن بعيد عنك بعشرين كيلو ولا يمكن ارجع لك بالسندوتشات علشان تشوفها.

وكان بيقول اى كلام وخلاص ان الشاورما الوحشة دى غلطتى انا. المهم الطلب التانى كانت فاجعة الحواوشى المخصوص كان مخصوص فعلا العجينة نية ومفيش خمسة جرام لحمة فى الرغيف المخصوص اللى سعره سبعون جنيها مصريا والكفتة حدث ولا حرج تجربة سيئة صيت على الفاضى وفعلا اكل مطاعم مطروح الاغلبية تقليب المصيفين وخلاص اغلبهم طبعا بس المرة دى اتعلمت انك لا تشتكى اى مطعم فى وشه لان ثقافته لا تسمح باى تعليق وهيعمل معاك احلى واجب والسندويتشات...

يمكن اكتر حاجة مميزة في الاكل من مفتاح السيد ان وقت التوصيل كويس لانه وصل خلال ساعة (وده حاجة كويسة في وقت الموسم عموما) الفراخ المشوية كانت كويسة لكن جافة شوية او مفيهاش الطعم الطري الطرب حجمة صغير يعني الربع مثلا ٦ قطع لكن للأسف كان ملسوع شوية من بره وده بان في الطعم بشكل ملحوظ والكفتة من جوه مش باين فيها طعم اللحمة اوي وكانت جافة برضه (ويمكن ده طبيعة المحل في الاكل عموما انا مش متاكد) الحواوشي كان وش بيتزا وكان حجمة كبير والوش حلو جدا لحد ما تبدأ تاكل اللحمة نفسها هتلاقي أن الطعم يغلب عليه البصل والخضار اللحمة مش باينة اوي للاسف في سندوتش سعره 110ج في (يولية 2024) السلطات كتيرة وده ميزة كويسة جدا الرز مش بيجي مع السلطات وكان محتاج يستوي شوية، ناشف بشكل واضح خد بالك ان مفتاح السيد مش بيحط التوصيل ضمن الفاتورة وبيكون بشكل منفصل ده تجربتي و هتلاقي الاسعار بالتفصيل في...

احنا اكلنا في الصالة ولو كنا طلبنا ديليفري كان اخد تقييم ٢ بدل ١ والسبب ان الصالة عنده مليانة صراصير 🪳🪳 ده غير ان الاوردر نزل لنا غلط و متأخر فماكانش عندنا رفاهية اننا نستنى تصحيحه حتى.

طلبنا حواوشي سجق وش بيتزا و ده معقول مش وحش. و حواوشي لحم مخصوص كبير. و حواوشي سجق صغير نزل لنا بداله حواوشي لحم صغير. و نصف فرخة و ده كان الحسنة الوحيدة في الاكل و كان الحاجة الوحيدة اللي طعمها حلو و مميز يعتبر. لأن حواوشي اللحمة سيء و كأنه معمول بلحمة مفرومة متعصجة على البوتجاز و تتبيلته تعبانة خالص. غير انه نزل متأخر بعد الفراخ المشوية بنصف ساعة تقريباً. ممكن يكون مميز اكثر في المشاوي والله اعلم.

المهم لو نويت تجربه اطلب تيك...