菊月町 Chutsuki Sushi — Restaurant in Hong Kong

觀塘一向都係一個臥虎藏龍既地方，工商業雙管齊下既 發展，當然就係一眾食肆林立既契機啦。今次就帶你去 一間隱世得黎性價比極高既日本菜，呢到有一位師傅 又係老闆之一既Ocean曾經係電視節目亮相過， 所以一見到佢我就認得出，真人仲幾型仔！ 店鋪裡面大部份既餐具同埋裝潢都好有日本特色， 仲可以近距離欣賞師傅既功架，學力威果胡師父話齋， 「我就係要呢D！」👇 📌焰月 - $980/Head ♦先付 - ▪ 新癮燒帶子 ▪ 白飯魚乾 ▪ 海葡萄 ▫ 前菜用左三種唔同食材做既特色小食， 每種由淡到濃既味道激發未預備既味蕾， 為之後既刺身做足準備，當中比較印象深既 係第一次試呢個海葡萄，原來味道真係幾清新， 口感幾似食緊蟹籽，卜卜聲幾特別。 ♦時令季節刺身五點 - ▪ 間八 ▫ 聽Staff講，老闆為求精益求精，堅持用高質既 食材留住每一個客人既心，自然一試難忘。 今次試既刺身都好有特色，例如係間八本身有 少少鹹味，再沾少少芥辣食就夠哂完美。 ▪ 深海池魚 ▫ 旁邊師傅已經擺左舊醃左既蘿蔔， 夾埋一齊食就食到本身既魚香味。 ▪ 秋刀魚 ▫ 係面頭上加左蔥、辣椒蘿蔔蓉， 輕輕點返酸汁就最夾。 ▪ 金目鯛 ▫ 擺左少少薑係魚身上面，夾埋一齊食， 可以將刺身既鮮甜味更加有層次。 ▪ 大拖羅 ▫ 大拖羅油脂分佈好靚，肥厚適中， 內裡已經放左岩鹽，唔需要額外醬油都 夠哂入味，相當好食。 ♦漬物 - ▪ 牛蒡漬 ▪ 茄子漬 ▪ 蒜頭漬 ▪ 小女子魚乾 ▫ 通常有得揀我都唔會點食漬物，不過今次既然 係廚師發辦，我信得過師傅安排既一定誠意之作。 當中我最鍾意既係牛蒡漬，都係第一次食， 入口有種脆脆地，幾有咬口。而茄子漬都幾特別， 口感軟腍又夠入味，唔錯。 ♦鐵板燒二款 - ▪ 鵝肝多士 ▫ 輪到世界級既兩大重頭戲既燒物， 先黎左個鵝肝多士，鵝肝外脆內嫩， 入口融化果種滿足感係難以用筆墨形容！ 最底仲墊左塊多士麵包，用途係為左入口既 油膩感。而夾埋一齊食，特別滋味。 ▪ 安格斯肉眼扒 ▫ 睇住師傅係塊鐵板慢慢將每一塊肉眼扒 切落黎果下畫面真係好震撼，而呢塊扒脂肪均勻， 食落肉質非常豐富，牛肉味香濃到不得了。 旁邊既油脂仲將每一塊肉都提升到最極點， 不得不讚呀！ ♦吸物 - ▪ 昆布清湯 ▫ 昆布清湯係鐵板燒最常見既之一既清埸， 飲得出係無太多添加既味噌，完全有種好Fresh既 昆布味，再加埋大量既蜆肉，想厭佢唔夠鮮都幾難啦。 ♦手握壽司五貫 - ▪ 赤身 ▪ 黑𩶘 ▪ 鰤魚 ▪ 日本海膽 ▪ 醬油漬帆立貝 ▫ 講到最愛當然係海膽啦，味道夠新鮮濃甜， 而且入口即化，無任何異味，一個字正； 有我平時比較少食既鰤魚、黑𩶘肉質鮮嫩， 仲幾有彈性；赤身比普通既吞拿當然再高一層次， 色澤好似牛肉既嫩紅仲好有光澤，肉質夠細緻； 帆立貝粗身肉質軟滑，裙邊爽脆。用左醬油漬， 將濃度提升，唔錯 ♦手卷 ▪ 蔥碎拖羅蓉手卷 ▫ 至於最後既手卷拖羅蓉輕輕薄薄鋪係飯卜上面， 加埋香蔥，有種融和感覺， ♦時令果物 ▪ 日本蜜瓜 ▫ 食鐵板燒食到最後一定要有一份清甜多汁既 日本蜜瓜，除左可以降低飽肚感，又可以滋潤下。 埋單每人大概HK$1000，我覺得以呢個價錢食到既 鐵板同刺身兩者結合既配搭，加上Omakase黎講， 可以話係it’s worth...

這家日本料理位在工業區，裝修非常新正，無論門面到內在，都令人覺得跟在日本銀座的日本料理店不相上下。

這晚選了＜爍雨＞ $1,480 一位的Omakase 套餐，食物出品及服務都令人驚豔。

先付 ✴️🥚九州蘭王溫泉蛋 配大和蜆／三文魚籽 師傅建議撈勻一起吃，蛋味濃郁，大和蜆細細粒但飽滿，鮮味十足。

✴️前菜：1.河豚皮配柚子汁 ／2.海草+味附枝豆（微微辣）／3 昆布心配黑木耳 河豚皮比較少吃得到，混合了柚子汁，非常清新。海草+味附枝豆，味道微辣惹味。昆布心黑木耳，非常爽口。

季節刺身 ✴️🦪德島阿波尾蠔 配昆布汁 師傅建議連海草一齊食，肥美飽滿，肉質Creamy 而且帶有海水味。

✴️🐍愛媛縣海蟃魚苗 配 薑汁／魚子醬／鮮芥末 魚身透明扁長，口感滑溜，魚味不算濃，配了薑汁及魚子醬，突出鮮味。

✴️🐟鹿兒島鰹魚刺身（用禾稈草煙燻）配皇帝菜／松茸菇 魚肉比較味濃，有股不懂形容的獨特煙燻香氣，禾稈草可能就是這個味。

✴️🦀北海道毛蟹肉 配海膽醬／蟹醋啫喱 蟹肉鮮甜，海膽醬香濃，蟹醋啫喱酸甜醒胃。

✴️🥩日本和牛他他 配 牛油果山藥／法國煙燻梭魚子 口感好豐富，入口油潤十足。

✴️🦪澳洲黑邊鮑魚 配 鮑魚肝醬 黑邊鮑肉質爽滑，鮑魚肝醬非常濃郁，有種回甘的味道，配上赤醋飯，又變得柔和。

✴️🍣大拖蘿／赤身 紫菜卷 大拖羅煙燻過，加海草鹽，再經過灸燒逼出魚油，赤身就簡單一些，最後以紫菜／沙甸魚干／紫蘇葉卷着吃，入口酥脆，內裏又油脂豐富。

✴️🪸醋漬水雲 口感清爽，配上香甜的水果蕃茄。師傅說讓我們在熟食前面用來清清口腔。

✴️土作豆腐 外皮炸得酥脆，裏面好嫩滑，又熱辣辣，配木魚高湯。

✴️🥩紅酒燴牛肉 配牛肝菌／鮮淮山 上面鋪滿日本細蔥，紅酒醬汁非常濃郁 ，牛肉應該與牛肝菌混合後才料理，口感有纖維感，好特別。

🍣手握壽司5貫 ✴️柚子鹽象拔蚌 肉質爽脆，柚子鹽把象拔蚌的鮮味提升。

✴️富士山白肉三文魚（白昆布） 魚味不算濃，口感有點脆，透明的白昆布鮮甜。

✴️九州池魚（配日本尖椒醬） 魚味相對濃一點，爽脆，獨特的辣椒香氣，與池魚非常配。

✴️冰見市獅魚 配 蛋黃醬 野生油甘魚一種，油脂比較豐富，加上蛋黃醬，油潤香濃。

✴️右口魚 配 炙燒裙邊 師傅科普學名鮫鰈，刺身爽口，炙燒裙邊入口即溶，兩種口感交容，好吃得不得了。

鐵板燒季節料理 ✴️鵝肝 配 焦糖多士／火煎菜／甘筍海藻麵 厚切鵝肝煎得好粉嫩，油脂滿滿，套用朋友說的漏油，口感還有一點爽口，配上焦糖多士的甘甜，一點都不油膩。旁邊的海藻及沙律菜配得剛剛好。

✴️海膽雲丹盛 海膽無比鮮甜，入口Creamy，再配吞拿魚魚油炒飯，口感豐富。

✴️魚湯 湯色奶白，味道濃郁，喝得出不是經過多調味，...

呢間餐廳主打高質廚師發辦同鐵板燒🎌今次就試咗佢地入門版嘅Omakase Set，所有食材均空運直送，保證新鮮，而且每一道菜都好精緻😍

🥢焰月 ($980/ 20品) 💗先付 1️⃣京都湯葉·蓴菜·北海道三文魚籽 湯葉其實就係日本豆皮，淡淡嘅豆香配上味道鹹鮮嘅北海道三文魚籽同晶瑩剔透嘅蓴菜，再加上少許青檸皮，成為一道清爽開胃嘅前菜 2️⃣築地紅板魚蛋·海帶芽·宮崎澤蟹 築地紅板魚蛋口感彈牙，配上微辣攻鼻嘅山葵漬；海帶芽爽脆微酸，好開胃；宮崎澤蟹酥脆可口，又幾過癮

💗季節刺身 1️⃣愛知縣象拔蚌 象拔蚌加入青檸汁、醬油輕輕火炙，食嘅時候再加少許wasabi，味道脆爽鮮甜 2️⃣岩手縣粒貝 粒貝其實就係日本響螺，師傅先將其切成薄片後浸冰水，口感會更爽脆，再以日本麻油同岩鹽調味，除咗食到貝鮮味外，麻油香非常突出 3️⃣鰤魚 師傅輕輕火炙鰤魚魚皮激發其油香，肉質爽滑而且魚味重，特別以三升漬點綴，三升漬係日本青辣椒漬，味道微微辛辣鹹香 4️⃣岩手縣紫海膽 紫海膽味道清甜回甘，疊上爽甜嘅甜蝦蓉同清新嘅蕃茄啫喱，三重奏鮮味係口中爆發，最後以魚子醬同金箔點綴，夠哂奢華 5️⃣煙燻拖羅 師傅先用蘋果木煙燻大拖羅，灑上昆布鹽後再火炙，再加入中拖羅、紫蘇葉同烘脆嘅沙甸魚乾，用紫菜包住一齊食，肥美嘅拖羅散發豐潤魚油香，再有陣陣煙燻香味，層次非常豐富

💗季節料理 1️⃣水果蕃茄·山芋蓉·沖繩水雲 沖繩水雲醋物味道酸爽，配上清甜嘅水果蕃茄同山芋蓉，清一清味蕾準備食壽司 2️⃣土佐豆腐 豆腐炸得外酥內軟，食落有濃郁嘅豆香，同時吸盡鰹魚湯嘅鮮味，面頭再放上木魚片

💗手握壽司 1️⃣北海道帆立貝 帆立貝雪白鮮嫩，加入青檸汁突顯鮮味 2️⃣鰆魚 火炙鰆魚肉質柔軟香滑，配上微辣鹹香嘅三升漬 3️⃣深海池魚 深海池魚肉質爽口帶油香，特別加咗柚子胡椒增加風味 4️⃣梭子魚 火炙梭子魚肉質鬆軟，感受到一絲絲魚肉，加咗薑蓉調味 5️⃣北海道白海膽 白海膽味道較甘甜清雅，帶淡淡海水味

💗手卷-拖羅蓉手卷 師傳會炙燒拖羅油滴落飯中，令魚油滲透入每一粒飯，再拌入拖羅蓉，特別加咗爽脆嘅千本漬同wasabi減低油膩感，再用紫菜包成手卷

💗吸物-魚湯 魚湯用上白身魚熬煮，湯品濃厚充滿魚鮮味，完全唔會腥，有湯品暖一暖胃好舒服

💗時令果物-甜品三點 用上日本蘭王蛋製作嘅「江戶前玉子」，口感好似蛋糕咁綿密鬆軟，而且蛋味香濃；「抹茶蕨餅」...