赤本山 Ankayama — Restaurant in Sai Kung District

Came here for lunch today on a Saturday, the restaurant was packed. My friend and I got seated right away(glad we made reservation) Hostess was attentive and friendly. We ordered the set menu. To be honest I didn’t expect such high quality food in TKO with reasonable price. The food presentation was on point and tastes fresh. The chef explained to us as he served each piece of fish. My friend had special request and the chef did a wonderful job of accommodating his need. This is a hidden gem. Highly recommend to all...

[將軍澳新開Omakase•隱世環境&親民師傅👨‍🍳] 推薦指數： 🌕🌕🌕🌕🌘 ————————————————————— 📍HK 將軍澳 - 赤本山 𝗔𝗻𝗸𝗮𝘆𝗮𝗺𝗮 🍣 Omakase 成日見人食，今次自己又去試吓位於 將軍澳 澳海南岸 新開嘅「 赤 本 山 」⛰️ 餐廳一共有 3 款套餐選擇，分別係 「 赤 」$980 / 「 本 」 $1,080 / 「 山 」 $1,380。餐廳環境好隱蔽，師傅們都好親民咁介紹 同 客人都有傾有笑，體驗唔錯嘅omakase～

🌟 今次就揀咗 中間個 「 本 」套餐

【前菜 𝗔𝗽𝗽𝗲𝘁𝗶𝘇𝗲𝗿】 好精緻嘅盆景擺盤，靚到到好似藝術品咁，完全唔捨得食 📸️ 分別有 牛蒡漬 、 金菇菠菜涼拌 、 佃煮南瓜 、 炸蟹仔 🦀️ 師傅介紹按照順時針進食，由淡到濃。個人覺得最特別係個BB蟹，可以原隻連殼食，非常脆口，好似零食咁 •

【刺身三品 𝗦𝗮𝘀𝗵𝗶𝗺𝗶】 ⎈ 粒貝TSUBUGAI ツブガイ：螺貝刺身嘅一種，食落爽脆，會帶少少海水鹹味 🐚

⎈ 香箱蟹：屬於雌性嘅松葉蟹，蟹籽、蟹膏、同 蟹肉撈埋，每啖都可以食到好濃郁嘅膏味！🦀️ 加上金箔點綴，賣相味道唔錯

⎈ 鱈魚白子：第一次食，口感非常creamy，表面微微燒焦！但無想像中咁驚為天人，個人覺得不過不失咁，未至於會專登嗌嚟食 •

【壽司七貫 𝗦𝘂𝘀𝗵𝗶】 ⎈ 昆布真鯛：用昆布醃製，再用醬油 同 芥末配搭，真鯛口感有嚼口而不失彈性

⎈ 金目鯛：高級魚種之一，顏色淺粉，味道鹹中帶啲甘甜

⎈ 活赤貝：師傅會係整壽司時會用力打一吓，赤貝係碟上慢慢鬆開，肉質厚實又彈牙

⎈ 縞鰺・深海池魚：屬於頂級貴魚一種，肉質肥嫩，師傅稍為用火炙燒，逼出魚油～

⎈ 鰤魚：冬季食最為肥美，只屬於日本近海獨有

⎈ 中拖羅：吞拿魚頗肥美嘅部分，魚油豐富，入口咬兩啖就融化

⎈ 海膽手卷：超大板海膽攞上嚟卑我哋打卡，海膽卑好多，一啖入口都幾鮮同完全無腥味！

【卷物 𝗥𝗼𝗹𝗹𝘀】 ⎈ 吞拿魚卷物：大大一粒飯卷，上面仲點上金箔，好精緻

【御料理 】 ⎈ 北海道炸忌廉黑松露蟹餅 🌟 個人最鍾意嘅菜，炸完即上台，外脆內軟，完全唔會有油膩嘅感覺 👍🏻 師傅都叫我哋要啦啦聲食，享受佢最creamy嘅！3.6牛奶 配上 黑松露，同蟹肉完美融合，入口即化

⎈ 蟹肉湯 第一啖會覺得好甜嘅蟹味，飲多幾啖蟹個鹹香味會更出。呢個時候就要食用湯入面個麻糬，中和鹹味，亦增加整體食用層次

【甜品 𝗗𝗲𝘀𝘀𝗲𝗿𝘁 】 ⎈ 熊本赤肉蜜瓜 🌟 蜜瓜口感超級軟嫩，仲要超多汁！想encore再食多見！

🥢 @ankayamamhk 📍地址：赤本山 (將軍澳) 將軍澳至善街3號澳南海岸SAVANNAH...

《 赤本山Ankayama 》 📍將軍澳至善街3號澳南海岸SAVANNAH Place地下G07A號舖 ———-———-———-———-—————- 新開張omakase🫶🏻 主打親民廚師發辦 強調與客人嘅交流 食得開心亦學到唔少野

店鋪以黑色及木色作主調 呈現日式高級感 除咗吧枱亦有包廂房間 晚市omakase分別提供$980「赤」、$1080「本」及$1380「山」

「本」 $1080

首先係前菜 擺盆極精美 金平牛蒡、醬油金菇菠菜、黑椒十勝薯仔及炸沢蟹 炸沢蟹最為特別 好似迷你版軟殼蟹咁 香脆可口

᪥北海道粒貝 配以岩鹽、青檸汁調味 口感爽口 清甜、鮮美、開胃

᪥香箱蟹 其實係雌性松葉蟹 要11月先有架～ 體形嬌小 蟹蓋上鋪滿超豐富嘅蟹籽、蟹膏同蟹肉 鮮美無比

᪥鱈魚白子 白子輕輕燒過 加上少少七味粉 師傅叮囑要趁仲暖暖地就食 口感綿密滑嫩好creamy 入口即化帶甘香 底部配以酸汁啫喱 酸橘嘅調味更能突顯白子的鮮味

᪥馬友一夜干 師傅使用台灣養殖馬友魚 肉質細膩 魚油脂肪更豐富 外皮香脆可口

᪥北海道忌廉蟹餅 蟹餅相當有驚喜 麵包糠非常薄脆香脆 內餡以 黑松露、3.6牛乳及蟹肉混合而成 口感幼滑 牛乳味好出 帶奶香 黑松露亦帶出高級感

壽司✨ 呢到嘅壽司飯味甜微酸 飯粒柔軟得黎口感緊實、有嚼勁

᪥伊佐木 味道鮮甜彈牙 肉質肥美 唔洗過多嘅調味就能品嚐到最佳風味

᪥昆布真鯛 真鯛以昆布醃漬 充滿昆布香 味道有層次 真鯛口感柔軟帶鮮味 咀嚼後帶少許彈性

᪥金目鯛 金目鯛以醬油及薑花醃漬 味道甜美 口感肥美

᪥地甘目 經過灸燒好香 油份比起金目鯛更重 魚肉鮮甜

᪥活赤貝 師傅拍完會郁！配以酸汁食用 鮮味十足肉質爽厚

᪥銀鱈魚 魚油 肉質肥美 入口細嫩滑溜

᪥大拖羅 最肥美嘅部份😍 拖羅佈滿精緻魚油、花紋 入口即融 魚味濃郁 鮮甜無比🥰

᪥吞拿魚 用上飼養吞拿魚 魚味冇咁濃 帶點清香

᪥海膽手卷 師傅整之前攞晒成版海膽俾我哋望吓影吓相🫢 海膽超鮮甜 甘香又creamy! 手卷嘅紫菜都脆香可口

᪥活北寄貝 非常鮮甜爽口 食落脆卜卜 貝味濃郁鮮美

᪥蝦湯 超濃郁嘅蝦湯 味道鹹甜鮮美 裏面仲有舊年糕 飲到一半食咗去再飲～ 清新味蕾

最後以草莓作結🍓 淡雪 - 香氣清香 果肉幾乎沒有酸味 只有淡淡嘅香甜味 果汁豐富 夢未來 - 顏色鮮豔 果肉綿密厚實 濃郁多汁...