Fantasy World Almaty

Бармағаныма 10 жыл болған. Үлкен қызым барайықшы деген соң, алғаш рет апардым. Бүкіл жанұяммен. Негізі сол бұрынғыдай, аса қатты өзгеріс жоқ. Кірудің де бағасы сол баяғыдай қымбат. Бойына қарайды баланың. Менде бірі 2-де, бойы 90см-дан асып кетсе, үлкені 11-де, бойы 150см, ортаншысы олардың стандартына келеді. Сонымен қойшы, тегін деген жоқ, 2 бала, 3 ересек деп, демалыс күні деп, 27000 теңге төледім. Сол баяғы "Шейк, ромашка" дейтіндер. 2 аттрацион істемей тұрды. Ең ұнамағаны көп аттракционға бойы 130см бала кіру керек, жалғыз. 11-дегі қызым көбісіне кіре алмады, кішкентай қызым жалғыз кіре алмайды, ересекті қасына кіргізбейді. Ортаншысы жалғыз кіргісі келмеді. Сонда бұлардың саясаттары түсініксіз. Адам аз кірсін дегені ме. 4-5 аттракцион үлкен ересектерге арналған. Оған балалар кіре алмайды. Сонымен 6-7 аттракционға ғана кірдік. Оның өзін кезекте тұрып. Жарты сағат тұрған кезегіміз болды. Сосын аттракциондар тез-ақ айналады. Айналасы 30 секунд, одан асса 1 минут. Сонымен болды, шығуың керек. Не деген топастық, ашкөздік. Ақшаға жаман құныққан. Дәретханасы ластау, есіктері ашық, бәрі естіліп тұрады. Еден жуғыш әйел, еркектер дәрет сындырып тұрса да, кіре береді, ыңғайсыз. Кафе екі-үшеу ғана, ыстық тамақтары жоқ. Тек снэктар, бағасы ғарышқа ұшып кеткен. Парковкасын білмеймін, өзім цирктың қасындағы парковкаға қойдым. Тал түсте келгенде 1 орын табылған, бесіннен кейін шықсам, парковка ығы-жығы, ине шаншар жер жоқ. Қалай болса солай көліктерін қойып кете беріпті. Әрең шықтым. Ендігәрі келмейтіндей болдым. Ақшаны судай шашқаныммен, көңілімнен еш шықпады. Ондай ақшаға басқа жерлерде тамаша демалуға болады, бала-шағамен.