Dab-pa Modern Chinese Cuisine — Restaurant in Hong Kong

因為想慶祝生日，人數不少，所以提早將近兩個禮拜打電話book位。一開始講話1800到，可以安排比房我哋，用餐時間90分鐘，冇問題。過咗半個鐘打嚟話睇錯，要我哋1730到。但因為屋企人咁早嚟唔切，結果職員表示因為方才失誤，表示可以比我哋食耐啲，直至1915。同時建議我哋叫套餐，話叫套餐可以比我哋再坐耐啲，ok呀人多叫套餐冇問題呀！

1730去到，見到間房（其實實際上係一個Conner位 有張大圓枱咁話啦下）有人喺度食緊嘢，仲要明顯有排都未到尾聲。職員就安排咗兩張隔住主要通道嘅枱，叫我哋分開兩台坐。咁冇計啦大家都到咗，多人又有老有嫩，好難臨時揾過第二間食，唯有坐低。之後職員又主動表示，為表歉意可以free嘢飲畀我哋，同埋取消用餐時間限制，可以「慢慢坐慢慢食」。咁冇問題啦可以唔洗咁趕，咁就如常進食啦！

結果臨走食緊甜品，下一台嘅客衝入嚟訓斥我地「食太慢、好自私、搞到佢哋等咗半個鐘」咁我哋見自己確實係食得耐，就冇咩回應 默默加快速度諗住拿拿聲食埋比下一台。結果過多五分鐘，啱啱鬧完我哋嘅嗰位 又再次鬧我哋霸住張枱blablabla...

下一台客入嚟鬧我哋嘅時候我哋首先係覺得唔好意思，但同時亦覺得莫名其妙。因為前提係，完全冇任何職員同我哋提起過話緊隨我哋有booking，加上佢地主動offer我哋可以唔限時，咁我地就冇expect過有人會因為我哋食耐啲而要企喺度等，但我哋都冇話因為offer咗唔限時而特登拖慢晒動作食（如果有人想walkin嘅，餐廳可以同佢哋講無位？或者主動嚟同我哋講有人喺出面等緊，禮貌要求我哋快手啲？或者根本就唔好offer我哋無限時間？就算offer咗，咁都可以禮貌地抱歉表示想安排下一台？起碼等我哋知道，加快手腳）

先不論餐廳booking嘅安排混亂，如果真係想安排下一台客人入嚟食嘢，係咪可以睇下我哋係咪食到差不多先安排？同埋就係，下一台客入嚟嘈 無人阻止佢？任由其他客人入嚟驅趕上一台客？混亂過程亦都冇任何職員介入及調停？職員遇上此等突發事件居然毫無作為，極需改善！

回想當時連蛋糕都未切，我哋亦未要求結賬，職員已經遞上賬單，不知是否已經是個暗示？但直到而家都仍然十分不解。

撇除management問題，食物質素係可以嘅，好味。了解假期客人多，係有啲難handle。員工人數不多，十分忙碌，但仍然保持一定服務質素及笑容，作為顧客亦欣賞。但作為一間 價錢唔算係好平民、喺大型商場入面嘅餐聽，噉樣嘅management質素，實在令人卻步。離開時餐廳職員再次口頭承諾以後只要係我哋，不論人數，就算係三兩個人都會留房比我哋。可行嗎？你哋餐廳得一間房，隨口為咗安撫顧客而作出噉樣嘅承諾？餐廳嘅管理問題再次可見一斑！

結論...

「調教。朋友」香港都有好食嘅酸菜魚🐠

二人豐盛宴 ($688)

🐓 涼菜 - 巴蜀口水雞 口水雞份量都幾多，食落啖啖肉且唔會算好辣，麻辣味夠香之餘食落去又夠開胃，就算唔係幾食得辣嘅朋友仔都可以試下阿。☺️

🍲 湯羹 - 鮑魚羊肚菌燉雞 一個盅盅燉湯夠足料，有濃郁既羊肚菌香味，材料仲有原隻鮑魚、雞及螺頭，燉湯能夠將所有精華嘅味道釋出，湯頭味清甜，夠滋潤，飲完仲唔會口渴，絕對係真材實料！👍🏻

🐟 主菜 - 招牌酸菜鮮鱸魚(例) 香港要食到好味既酸菜魚真係絕對唔容易， 除左果幾間內地開過嚟好出名嘅舖頭... 今次食完真係覺得唔錯， 叫左小酸及適中辣度，相比起口水雞呢款就無咁辣。魚肉鮮甜口感嫩滑又無骨， 食落方便夠哂開心阿。😋

🥗 蔬菜 - 金華火腿奶油津白 食完咁多辣味嘅嘢，梗係要食啲清淡啲嘅蔬菜啦～ 落足料嘅奶油津白加上金華火腿既調味， 夠creamy且每條津白都掛滿奶油醬汁，感覺好滿足。😉

🥟 點心 - 稻成小籠包(4件) 小籠包要煮得好食，真係好考功夫既。 皮薄餡靚當然係基本啦，一上枱襯佢熱辣辣， 梗係即刻一啖放落口，咬開湯汁爆哂出黎，肉汁鮮味夠豐富，真係估唔到咁好食阿！推介阿👍🏻👍🏻

🧁 甜品 - 香蕉豆沙鍋餅 食左咁多嘢， 其實已經好飽，但對女仔嚟講甜品絕對係第二個胃黎。 香蕉豆沙窩餅煎得好香， 搞到大家都係咁食，...

The food here is absolutely delicious! Each dish bursts with flavor, and the cozy environment makes the dining experience even better. It’s the perfect place to enjoy a great meal...