The Steam Hut (Kai Tak) — Restaurant in Hong Kong

特色點心@蒸廬

我真係好喜歡飲茶！除了酒樓之外點心店也是吃點心時的好選擇，這次選了一間比較新的店子來嘆夜茶，品嚐不少很富有新鮮感的精緻點心呢。

這夜跟好友齊齊去到近來火紅的啟德體育園，餐廳是坐落於啟德體育園零售館3內的蒸廬。

甫坐下先點來茗茶那精緻的茶壺好吸睛耶。

除了中國茶之外還有特色飲品供應！我選了斑蘭香茅茶$15，幽香的斑蘭配襯獨特香茅味飲落不會過甜味道不錯。

先嘆盅猴頭菇茶樹菇燉上肉湯$60！湯色深邃充斥濃郁的菌香味道清甜好喝。

最懂享受的車爸爸選了精裝佛跳牆$98！非常豐盛的材料包括有花膠、海參、鮑魚、素翅、螺頭、瑤柱、蟲草花、大花菇、栗子及鵪鶉蛋，湯頭入口鮮美而且份量十足不錯飲啊。

接下來跟好友一起品嚐豐富的點心！先來香口炸點大滿足斑蘭咖央蝦盞$45，蝦盞說穿了其實是炸雲吞面頭鋪上特色的斑蘭咖央醬，香脆口感中帶出一份非常有新鮮感的味道。

啤梨三兄弟$39造型的鹹水角味道很讚！外層香脆不油膩內裏味道鹹香非常喜歡這三兄弟。

晶瑩蝦餃皇$39！大大隻的蝦餃澄皮好爽滑，內裏蝦肉餡料夠新鮮，一粒吃下叫嘴巴非常滿足。

蟹籽燒賣王$35！啖啖肉的燒賣餡肥瘦均勻吃到滿滿的肉香，加上蟹籽的加持確是粒有質素的燒賣皇。

薑蔥牛柏葉$39味道調得恰到好處，牛柏葉爽脆沒有異味配襯爆多的薑蔥非常香口。

XO秘醬蒸鳳爪$39！鳳爪皮肉分離沒散爛炆得剛好，醬汁的濃稠度及味道也控制得恰好吃得舒服。

魚湯蟲草花鮮竹卷$31！非常紮實的鮮竹卷口感十足滿滿肉感，魚湯味道濃郁加上爽彈的蟲草花這味道真心不錯。

木魚絲蒸蘿蔔糕$31！蘿蔔糕吃得多配上木魚絲還是第一次品嚐很有新意，而且木魚的香氣跟蘿蔔糕也非常匹配，吃悶了普通蘿蔔糕可以一試。

蟲草砂砂雞粒陳村粉$54！既像河粉又像腸粉的陳村粉索滿了雞肉的香氣，配襯上非常爽脆的菜粒令這道陳村粉味道口感更加優秀。

原籠蔗糖馬拉糕$31！顏色金黃的馬拉糕外型挺身，內有大量氣孔所以吃下口感超鬆軟，加上滿滿的黑糖焦香味這馬拉糕合格有餘。

另外這客雲石芝麻包$31也不是省油燈！那黑白雲石造型賣相已經夠吸引，內裏藏滿了流心的芝麻餡超級有驚喜，吃下去包身軟熟芝麻香氣籠罩口腔非常令人回味。

這間點心專門店的出品有夠特別味道質素也有不錯的表現，又是...

新場飲茶

啟德體育園我已經去過好多次！呢日就同老婆大人約埋朋友去咗零售館3入面新開嘅點心店食晚飯。

呢間點心專門店叫做蒸廬！聽聞佢哋嘅點心係店入面師傅做唔係預製㗎，而且仲有唔錯嘅燉湯添今日就嚟試一試佢。

好耐冇見點心車舊式嘅茶檔就係咁樣擺茶客就自己過去攞，不過呢度唔係咁玩法係畫紙仔嘅。

點咗嘢食整壺靚茶飲住等，呢個茶壺大家都覺得好得意。

人多就可以任性啲嗌到一枱都係點心正呀喂！

首先整兩個燉湯嘆吓！老婆大人叫咗呢個猴頭菇茶樹菇燉上肉湯，我試咗一啖菇味好香濃而且唔會好油味道幾清甜。

我就叫咗好勁嘅精裝佛跳牆！燉湯鬼咁大盅入面有好多矜貴嘅食材，鮑參翅肚樣樣有齊個湯又點會唔甜吖仲好鬼滋補添。

蝦餃大大隻爽口彈牙又夠鮮味質素好唔錯喎。

不過呢個蟹籽燒賣王仲吸引！咬落去好有質感入面嘅半肥瘦豬肉好香滑，呢個燒賣真係好好食。

魚湯蟲草花鮮竹卷好大條！滑嘟嘟嘅腐皮入面包住好香嘅豬肉餡，配埋個清甜魚湯同有咬口嘅蟲草花，呢個口感同埋味道我好鍾意喎。

XO秘醬蒸鳳爪係老婆大人嘅飛佛！呢度個味都較得幾好唔會太濃又入味，鳳爪整得夠腍唔會散晒合格呀。

我就最鍾意食鹹水角呢個啤梨三兄弟我覺得係必食嘅！造型夠晒可愛個皮好香脆中間就夠煙靭，入面嘅餡仲好香口我覺得三粒食晒都得呀。

想試新嘢呢個大滿足斑蘭咖央蝦盞就啱晒喇！蝦盞上面嗰啲係斑蘭咖央醬，咬落好香脆仲多咗一朕東南亞嘅風味幾特別。

蘿蔔糕加咗木魚絲個味多咗層次！感覺都幾夾啱晒鍾意試新嘢嘅人。

飽肚嘢我哋嗌咗呢個蟲草砂砂雞粒陳村粉！陳村粉爽爽滑滑唯咁好好入口，加埋啲雞肉同蟲草花嘅香味同清甜菜粒又唔錯喎。

雲石芝麻包搣開入面竟然係流心！食落係好濃嘅黑芝麻香味個包又夠軟熟呢個一定要試。

原籠蔗糖馬拉糕都整得軟熟同香甜，呢度嘅包點水準真係好唔錯抵讚，叫咗咁多嘢食為返一人...

ordered lotus leaf rice, chinese soup & taro cake aftertaste left with taste of salt in my mouth taro cake is not pure taro but mostly radish food is soso,...