Flaming Pot — Restaurant in Kowloon

足料火鍋湯底，新鮮刺身～🤤自家包仔餃子必試👍🏻

朋友介紹之下，去咗太子「火薈中日火鍋」， 「火薈中日火鍋」主打港式火鍋， 除咗🇭🇰香港特色火鍋和雞煲外， 更有多款活海鮮或刺身供應。 透過openrice訂座，可享有火鍋料85折優惠，適用於星期一至六。😏

如果鍾意食海鮮嘅話，其實鮑魚龍蝦餐都唔錯😂。 有5款是令海鮮如龍蝦🦞、蟶子王、鮑魚、海蝦、花甲王；仲有安格斯牛肉/黑毛豬，都只係每位$338起。

⭐️小紅書打卡優惠⭐️ 現凡於小紅書打卡分享，即送即炸午餐肉或香炸魚片頭（原價$48）乙份。 香炸魚片頭 一份有8件，份量十足！ 炸得幾香口，口感爽彈，蘸泰式甜酸醬一齊食perfect...

宜家香港地打邊爐通常都係去開啲牛乜牛乜嘅連鎖火鍋店♨️ 好似好耐都無真係食返地道既港式邊爐(˶‾᷄ ⁻̫ ‾᷅˵) 今次我地嚟到呢間位於太子嘅傳統港式火鍋店🍲 入面嘅湯底同海鮮都係一絕 絕對唔係啲連鎖火鍋店可以媲美 餐廳其實都做緊啲套餐優惠 每位338都幾多野食 但今次我地就無試 我地建議各位下次黎可以試下個set因為睇落都幾抵食😛

❣️冬瓜瑤柱花甲鍋 ($198) 湯底我地就揀左呢個冬瓜瑤柱花甲鍋 湯入面有一大舊冬瓜同大量瘦肉煲成 另外再加埋花甲同瑤柱🍲 湯底飲落非常鮮甜 飲落似屋企人煲既湯咁😛 成個湯底用料十足 花甲食落新鮮無沙 相當高質👍🏻 適逢天口都有啲㷫🔥用冬瓜黎做湯底真係岩晒 而且真係港式邊爐先搵到✨

❣️本地手切鮮牛肉（中）($268) 手切牛肉一睇就知勁新鮮 賣相勁吸引🤩 食落唔會有筋而且厚度適中啖啖肉 牛味亦非常濃郁🤤 雖然價錢略貴但如果嚟既話我地都幾推介呢隻牛肉👍🏻 中份量嘅話應該大約有二十片牛肉到 足夠三個人食🙌🏻

❣️黑松露餃 ($78) 每隻黑松露餃都大大隻脹卜卜 黑松露味勁強烈一咬開就香噴噴😙 除左黑松露之外佢入面應該係包住d蝦膠同豬肉 個配搭都幾得意 一次過滿足幾個願望🙌🏻

❣️白鱔片 ($128) 呢間餐廳其中一個主打就係佢嘅海鮮 今次我地嗌既鱔片亦係非常高質‼️ 每一塊鱔片都非常厚 肉質超級爽彈 而且保留到鱔嘅鮮味但又一啲都唔腥 可以肯定非常新鮮✨ 強烈推介大家嚟到要食呢個鱔片‼️

❣️聖子皇 ($58) 聖子皇超級大隻同肥美 拎嚟打邊爐一流 食落都係充滿住海鮮既鮮味~

❣️椒鹽墨魚咀 ($98) 墨魚咀有咬口 椒鹽調味亦適中 唔會太過重口味❤️ 我就食到一粒接住一粒停唔到(˶‾᷄ ⁻̫ ‾᷅˵)

推薦指數：🌟🌟🌟🌟 【𝐏𝐫𝐢𝐜𝐞: 3/5 𝐅𝐨𝐨𝐝: 4/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3/5】

ғᴏʟʟᴏᴡ ᴍʏ ɪɢ ☞...

勁有節日氣氛的打邊爐

和朋友打邊爐，用腦就散叫，唔想用腦就叫套餐，套餐份量足料又抵食。

套餐啲名勁有節日氣氛，生日、做冬、過年都好適合😄。

🌟四喜臨門套餐🌟

等待湯底滾起時，就調配醬料和食住🔸生炸魚片頭，口感比較實；和🔸椒鹽墨魚咀，細細粒，香脆可口。

🔸胡椒豬雞窩 可以揀花雕雞鍋或胡椒豬雞窩。 湯底滾至有胡椒香味，飲完之後都幾暖。 再將雞件放入窩中滾熟，雞肉味香嫩滑，豬肚爽腍冇異味、鹹菜爽脆入味、紅棗微甜。

🔸手切安格斯牛肉 牛肉有大理石花紋，肉質和脂肪比例平均，口感有嚼勁。

🔸手打四寶丸 四寶丸有牛丸、墨魚丸、豬肉丸和蝦丸，墨魚丸食到粒粒墨魚粒，口感都幾彈牙結實；豬肉丸口感較軟身。

🔸手包雙拼餃 雙拼餃有雲吞和韭菜餃，雲吞皮薄，唔會易爛，蝦肉彈牙；韭菜餃塞滿餡料。

🔸游水海生蝦 蝦隻都幾大隻，多肉有膏。

🔸新鮮脆鯇魚骨腩 鯇魚肉質結實，清爽脆口。

🔸黑白牛柏葉 煮過後的牛柏葉會收縮，但口感仍然爽脆。

🔸新鮮肥鵝腸 鵝腸有少少肥膏，口感很爽又唔會韌。

🔸田園雜菜籃 籃中有油麥菜、皇帝菜和菜心。而油麥菜爽甜，皇帝菜清香唔苦。

🔸出前一丁麵 打邊爐唔食烏冬，梗係食出前一丁麵，麵質滾至爽身，加入其他火鍋配料和麻油，美味呀！

要加湯加火鍋配料，按一按牆上的鐘，店員便會為你效勞。

天氣轉涼，食啲滾吓烚吓的食...