A mediados do século XIII Pay Méndez Sorreda de Soutomayor doa aos franciscanos os terreos onde levantarían o convento e posteriormente a igrexa. A edificación continua ao longo dos séculos XIII e XIV grazas á axuda económica de Pay Gómez Chariño (almirante, poeta, primeiro señor de Rianxo e primeiro Adiantado de Galicia) e a dos seus herdeiros. A igrexa é de estilo gótico tardío con planta de cruz latina, cunha soa nave, cuberta de madeira e rematada na cabeceira con tres ábsidas poligonais cubertas por bóvedas de crucería. O edificio anexo que ocupaba a Delegación de Facenda é posterior, e nel destaca a porta de Santo Domingo proveniente da antiga muralla da cidade do século XII. Interior: A ambos os dous lados da Capela Maior: Sepulcro do século XIV de Pay Gómez Chariño (1225-1295) e da súa esposa, María Giráldez Maldonado, co escudo lateral coas armas da Casa de Soutomaior na cabeceira as armas dos Aldao-Maldonado; e o sepulcro do século XV de Pedro Cruu “O Vello” e da súa esposa Teresa Sánchez de Montenegro e Sarmiento cos escudos de Figueroa, Montenegro e Sarmiento e Aldao, a ambos os dous lados, e o de Pedro Cruu e as súas esposa, na cabeceira. Na capela da nosa Señora das Dores, fundada no século XVI por Domingo Gago e as súa esposa: un escudo coas armas dos García de Rajoo e as dos Soutomaior; outro de Mariana de Mendoza e Soutomaior e Antonio Gago Figueroa, coas armas de Montenegro, Mendoza, Soutomaior e Figueroa; outro escudo sobre a urna sepulcral; e outro de Pedro Álvarez Mariño de Valadares, do século XVI, con brasóns dos Mariño e Lobeira e armas dos Valadares, Aldao e Moscoso. Bustos orantes sobre o sepulcro de Antonio Gago de Mendoza Soutomaior e Montenegro e a súa esposa Xoana de Oca Ordóñez e Sarmiento. Mausoleo de Xoán de Feijóo e Soutomaior, cabaleiro da Orde de Santiago e gobernador de Baiona, con estatua orante. Mausoleo de Xoán do Castelo, mestre xeral de campo do Consello de Guerra da súa Maxestade, con estatua orante. No muro do lado leste, vemos colgados dous escudo: un da casa de Gondar e dos Bao que remataba o retablo do Sacro Corazón coas armas de Bermúdez, Aldao, Castro, Soutomaior e, no escusón, Gondar; e outro de Gaspar de Camba Ozores e a súa esposa, con armas de Camba, Silva, Ozores e Sequeiros e, no escusón, Soutomaior.