山見台式火鍋 (新城市廣場三期) — Restaurant in Hong Kong

近幾年最受香港人歡迎的台式火鍋店，山見一定是頭幾名，分店越開越多，而我們一直都喜歡去新店探店，多數也會比舊店環境好，這次便來到她們的沙田新分店😊

✏️位置（8/10）：三期商場一樓近一田超市，逛街非常便利 ✏️環境（9/10）：比想像中大及座位多，自助區很大及衛生，空氣清新，環境不錯 ✏️服務（9/10）：店員相當主動，上菜快而準，收碟也很高效 ✏️食物（9/10）：火鍋食材選擇多元化，而只有高質牛肉，台式小食及熟食款式也很多

🌟LV4特選澳洲和牛海鮮吃到飽套餐 - $388/位 由於LV4以上才可以想食120分鐘，我們便決定選LV4，除了掃碼下單外，自助區的選擇遠比想像中豐富😃

🍴羊肚菌八珍湯 推廣的羊肚菌八珍湯，羊肚菌作為菌中之王，能補中益氣、滋陰補腎，因此湯味夠香濃，啖啖貴氣😘

🍴肉類 雖然個人覺得牛肉不是她們的重點，主打的澳洲和牛肩胛肉眼也嫩滑高質，同時還有牛扑肉、無骨牛小排、卡樂Beef、牛爽腩、嫩肩里肌肉、薄切牛舌芯、月見封門柳多款牛肉，另外有澳洲羊肩肉、美國穀飼黑毛豬、阿公花雕醉雞及台南烏雞玉卷，選擇夠多。同時有豬皮、牛柏葉、牛骨髓及鮮雞子，絕對能滿足不同的人🥰

🍴海鮮 同時有很多選擇，有原隻駅前海老、原隻鮑魚、花膠、福隆沙白、爽脆水魷、砂爆魚肚、福隆刺參、竹笙抱蝦滑、黃金鮮蝦球、無骨黑魚片、脆肉鯇魚片、新鮮白鱔片、陳皮鯪魚滑、松露墨魚滑、響鈴魚籽蝦滑卷、龍蝦福包及黃金蒜茸蒜扇貝。海鮮大多很新鮮，個人推薦爆汁的黃金鮮蝦球、大大隻新鮮的原隻駅前海老，以及爽口味美的竹笙抱蝦滑😍

🍴丸餃類 個人最喜歡鮮味的山見和牛蛋餃，另外手文師燕尾餃、手工菜肉餃及懷舊魚皮角也不錯，還有自助區的企鵝墨魚滑，可愛又好味😉

🍴熟食類 熟食非常多選擇，自助區的滷肉飯、麵線、酸辣湯、台灣腸、古法窯雞等等各有特色，味道也很好。掃碼能點的就多了，有滷水牛三寶、台灣拔絲蔥抓餅、蚵仔煎、宜蘭蔥肉餡餅、惡魔雞排、夜市鹽酥雞、小酥肉、七里香雞屁股、黃金裹粉柳葉魚、酥炸杏鮑菇、甘梅地瓜薯條、手工糯米腸、酥炸椒鹽花枝丸、金莎芋泥球、麻辣鴨血、黃金炸魚皮、香脆響鈴、鬼馬炸油條、鵝肝醬多士、山見海鮮煎、香辣蒜泥滷腩片、波波起司球、金沙芋泥球、芝麻蝦多士、荔枝蝦球、府城蝦捲及香芋脆脆果，聽下去也非常多，普遍都高質，絕對都要試試🤩

🍴飲品類 自取區有多款自家製茶飲、各種品牌飲品及汽水，另外也有咖啡機，包括有咖啡、奶茶、朱古力等等，個人覺得足夠有餘😄

🍴甜品類 甜品除了有一些糕點外，還有紅糖糍粑、宜蘭綠豆沙、華西綜合豆腐花、各種自配的芋圓，還有雪條及雪糕，非常滿足😁

🏠山見台式火鍋...

禮拜六俾男朋友拉咗嚟食，我係第一次嚟，本身冇乜好高嘅期望所以食完都幾驚喜。 我揀Lv.2組合所以只有100分鐘用餐時間，又未至於要食得好趕，不過好坦白又未至於可以俾你慢慢一路傾偈一路食。 我揀咗美人湯，睇落以為係類似藥膳湯底，不過其實係雞湯嚟。雞味好香濃，加咗2次湯都冇淡到，仲keep住好香。

佢提供好多台灣風嘅配料，所以會令你有種好想乜都試晒佢嘅新鮮感。例如佢有自製嘅香蔥油同辣椒醬，又有刀削麵、玉子麵同麻吉燒，係食台式火鍋先會有。

咁佢係採用QR code式自助落單你組合入面嘅肉類，上肉都算快，真係轉個頭就會上，唔會揼你波鐘。咁我眼見佢無論係豬肉牛肉定係烏雞卷都切得比較薄，成盒肉車落去都係兩啖食晒，所以比較唔會眼高手低，大食人士真係要記得每份叫多兩盒。

而肉質係比我想像中好好多，牛肉佢好仔細分咗唔同部份俾你揀，肉紋平均，血色又靚夠新鮮唔會有黑邊，仲要冇乜肥膏唔會成口油。烏雞卷好特別，雞味非常濃。

蔬菜方面唔算話好多種，不過綠葉蔬菜比其他同price range嘅放題火鍋餐廳比算多，佢有水耕菜、娃娃菜，同埋翡翠苗。娃娃菜其實真係唔算靚，比較污糟同埋好多傷痕，但係翡翠苗我夾咗4轉都有，真係好鬼死香。菇類都值得一提，佢有金菇、白精靈菇同鉛筆菇。鉛筆菇真係好少見，食落個口感比較堅實，同埋幾香草味。其餘嘅都係例牌嗰啲南瓜、蘿蔔、粟米、蟲草花之類啦。另外佢冇山根同響鈴卷，只有風琴豆皮。

飲品有基本嘅可樂同啤酒、青檸/ 荔枝/...

無意之中，發現新城市地底一田嗰層原來有好多新餐廳，見到呢間幾吸引唔使放題，又夠肚餓就諗住入去食🥰😋一入去勁興奮揀完湯底出去巡個圈！食菜嘅我見到超多蔬菜款式，而且一睇就只係好靚嘅質素，去街市都未必買到！ 仲有啲好特別嘅貴價菇！ $288如果食到呢啲又好質素嘅話其實抵食🤩 揀咗而家招牌嘅羊肚菌雜菇湯底，因為阿媽唔食牛肉，問吓店員可唔可以鴛鴦一個湯底佢都OK 㗎！仲要成個過程服務質素態度都好好 呢樣真係勁滿分！好似五星級酒店咁呀😌！ 同埋環境都超級靚，一入去已經覺得好興奮喺度打卡🤣🤣 肚餓嘅我梗係等唔切出咗去拎嘢食啦！本身打邊爐嘅材料都已經好多 有好多唔同特色台式丸，阿媽同我都好鍾意佢個紫菜鮫魚丸 🥰🥰仲有一個都好好味 蠔丸！完全唔係揸流攤用啲cheap嘢 仲見到有一檔係甜品檔🥰🥰實捧住個肚走 行到一個位原來仲有豬潤超興奮，勁鍾意 之後仲 拎咗幾次 因為好爽口 勁滿足！熟食仲有啲熏雞都好好味 🤤 仲有蠔仔麵線，酸辣湯同埋紅豆沙 最後唔記得咗拎紅豆沙，因為佢個胃係喺鹹食嗰度🤣 之後坐低一睇 嘩原來QR code入面嗰個Menu都好多嘢食！我哋揀Level three 但係都好多特色嘢食，譬如蚵仔煎 仲有一啲炸物 都做得唔錯 同埋竟然所有肉類都咁好味！羊肉同埋豚肉都好新鮮 鍾意食牛肉嘅，我就最鍾意佢個牛爽腩同埋 封門柳 啱晒鍾意牛味，但係又怕好多油脂嘅我 仲有，呢度嘅飲品都好包羅萬有，無糖嘅台灣茶去到唔同種類嘅汽水 仲有我最愛嘅白色Zero可樂🥤食野慢嘅我100分鐘有少少趕🤏 不過都仲係可以食得我極度滿足，店員亦都唔會即刻講你走...