渝痴漁醉 — Restaurant in Hong Kong

Food from Drunken Fish is great, not that spicy and suitable for general Hong Konger, service is OK but still room to improve. Came here for lunch as it's not full, so you don't have to queue at all. Food prepare time is decent, but don't expect here will be a quick bite. Food here is great, you will still accept it even for a person didn't eat spicy. But if you are looking for traditional Sichuan spicy level, here may not suitable for you. They also offer a budget lunch set for only $25, this is hard to believe for this price in Causeway Bay area. Not sure about it's quality as didn't...

天氣開始涼可以食返啲辣嘢暖下身 mark低左呢間就係因為個主廚重慶人 味道一定夠正宗 仲要CP值真係好高!!!🤤

🥢招牌雞煲 - 香辣啤酒雞 $128/位 好鍾意食雞煲嗰種麻麻辣辣過下口引 但見到🍺雞喺咁特別出邊好少見 同平時麻辣口味唔同嘅係佢以辣為主麻口感無乜 至於你話啤酒味 打開蓋嘅時候都聞到少少 但後來應該喺蒸發曬所以食落唔係好覺😝

雞件數量好多 仲要大部份都係無骨 原先已經醃好晒 邊煮邊炒越煮越入味 食到後尾吸晒啲芡汁愈食愈火辣🔥

❣️自助熟食 等唔切打邊爐嘅可以夾啲熟食試試😌當日供應有兩款 麻辣雞翼尖 同 話梅豬手 雞翼尖lun下lun下啜晒啲汁好好味 話梅豬手酸酸地好開胃

❣️蔬菜類 芽菜 蓮藕 生菜🥬 娃娃菜 油麥菜 海帶 薯仔🥔 香菇🍄 雞髀菇 金針菇 豆卜etc. 全部都洗得好乾淨綠油油唔會話見到有沙粒

❣️丸類 腸仔 🧀腸 蟹棒 魚蛋 芝士丸 沙嗲丸 小豆腐etc. 種類都幾多下任夾任食

❣️肉食類 牛肉🐮 雞肉🐥 魚肉🐟 覺得雞煲醬好好味 一開頭仲DIY refill雞肉 後來打邊爐狂擦肥牛 超大方放喺度任攞 唔係落order先送過嚟嗰隻 鍾意食幾多都得🙈

❣️串串類 估唔到任食串串竟然有海鮮 當日係蝦🦐 同 魷魚🦑 大家都知串串麻辣燙係會食上癮 貪佢夠快唔使 等快過淥杯麵拎上嚟一咬就係 偷偷話你地知我一個人食左30幾串😂好爽 一定係回本首選

❣️主食類 見到有麵 同 寬薯粉 薯粉掛湯街知巷聞🥺寬薯粉將掛湯面積大大增加 薯粉嘅爽口加埋湯底嘅辣香 越食越過癮

❣️飲品類 一般可樂 無糖可樂 雪碧 忌廉 芬達都有齊😆想健康啲蘋果綠茶 雪梨茶 荔枝茶 冬瓜茶都有 另外一大班朋友想飲兩杯仲有雪山啤同VALOR添

❣️貢菜皮旦 $48 鍾意皮蛋滑捋捋嘅感覺 忍唔住嗌左份😳晶瑩剔透嘅皮蛋沾滿麻辣汁 淨係攞條脷掂下都好正好麻 墊底仲有一堆吸滿精華嘅貢菜 食一條咋個味道都直擊喉嚨呀

呢個價錢有海鮮 喺銅鑼灣任食仲要免加一相信冇乜邊間做到🤯見佢另一個plan六點前離座仲要$88免加一 時間一樣係食足90分鐘 ...

一班人除咗可以選擇放題或者韓燒又或者雞煲之外，烤魚都成為左一個團聚滋味。 同雞煲一樣烤魚都可以透過湯汁來達成打邊爐嘅用途，成為一盤兩味。 烤魚當然都有好多間餐廳，但如果喺銅鑼灣來講，渝癡漁醉確係一個好好選擇。淨係聽個名都知相信同魚🐟有關，呢一度確實有不同嘅煲可以選擇，有雞煲有烤魚亦都有胡椒豬肚滑雞煲，每一款都可以放題食配料，不過既然呢一度係食烤魚聞名當然要悉隨尊便。烤魚嘅方式可以有麻辣同埋酸菜，不過試吓比較輕酸菜魚所以即使唔食得辣都可以直接選擇酸菜魚。

無論重氣味定係份量都可以話係嘆為觀止，一大條完整嘅魚再配合大量嘅酸菜營造撲鼻嘅香味。本身條魚已經煮熟咗所以稍微加熱一下就已經可以食得， 另外大雨有個好處就係骨比較大同明顯，只要認到骨嘅位置然後輕輕一半就已經有大膽大膽嘅肉可以享受，成條魚無論煮咗幾耐都依然保持滑淨，嫩得來但保持應有嘅質感，無論係魚皮魚肉定係魚腩都有唔同嘅滋味，除咗本身有酸菜吊味之外另外亦都可以自製醬料來更加提升魚嘅鮮味，尤其是魚皮為配合辣椒豉油真係絕配。

品嚐完魚之後當然就要瘋狂食配料，有幾款的確係又搶手又有驚喜‼️‼️

芝士韓國年糕： 本身都以為成條都係年糕，唔咬唔知，一咬拉絲！原來年糕入面亦都爆咗少少mozzarella cheese, 真係甚少喺餐廳可以食到（最多都係芝士焗年糕又或者芝士醬年糕但年糕入面包住芝士真係少之又少）

芝士豆腐： 又係另一個芝味嘅食材，即係唔需要好長嘅烹調時間就已經足夠，爽彈之餘裏面包住芝士醬，輕柔之餘又帶點濃厚，幾矛盾但又非常夾。

薯粉寬粉：...