MAZU — Restaurant in Kowloon

Taiwanese hot pot🥢😻 First of all, I want to praise the environment, which is bright and lively🤩clean and comfortable to sit👍🏻The price is very affordable, as low as 200 hkd before 7:30pm🫨 🍲There are as many as ten kinds of shabu-shabu soup bases, and the soup bases are so rich and delicious! This time I ordered the Golden Medicinal Fish Maw and Chicken Shabu Shabu🐤The soup base has a lot of fish maw and chicken pieces ✨and it is delicious and fragrant with a bit of medicinal flavor. It is a good health and beauty soup base👍🏻In addition, shake shake sweet potato strips are given to match with different flavors🤤Interesting, crispy and delicious🩷apart of pork, beef, and chicken🐷🐮🐔There are also seafood🦐🐟🦑Basic ingredients are all available🥰Drinks can be chosen hot or cold. I personally think that Aiwen mango jasmine tea is quite good, it is sweet and refreshing🥭The dessert at the end is also good🍦🍨🍧I tried Dreyers-pistachio flavored ice cream ,...

私心大推　飽到晚餐都慳埋嘅任食無限時火鍋

之前天氣凍嗰陣，朋友介紹之下，就去咗試呢間火鍋店。我平時好少食火鍋放題，一嚟自己食得唔多，二嚟食物質素參差，所以咁耐以嚟食火鍋放題嘅次數真係1隻手掌數得曬。

今次係朋友介紹，加上LUNCH TIME食，又唔限時，感覺無咁大壓力，可以慢慢食；食飽咗之後都仲有時間消化，唔會好似晚餐咁，食到好飽就去瞓覺，勁辛苦。聽講呢間火鍋店食物質素唔錯，店員服務都好，甚具人氣。佢有唔同價錢嘅火鍋套餐，由每位$247-$487不等，主要係牛肉等級唔一樣。我哋揀咗$408 養生涮涮鍋，除咗其他任食食材之外，仲有極級Prime Grade美國安格斯牛頸脊、西班牙伊比利亞黑毛豬、Prime Grade美國安格斯牛肉同西班牙無激素豬肉片都可以任食唔嬲！

入座之後，揀好咗湯底，店員喺廚房準備之際，就送上免費嘅前菜小食！嘩，竟然係 shake shake蕃薯條！我勁鍾意，仲要附送唔同口味嘅調味粉——包括麻辣、甘梅粉、蕃茄粉同紫菜。我哋全部味都拆嚟試，覺得最鍾意紫菜粉同梅粉，食完一條又一條，可惜無得REFILL～醬汁同好多任食火鍋店一樣係自己出去醬料吧自由調配，而飲品選擇都唔少，除咗包裝好嘅飲品，仲有一啲特別飲品，如店家自製嘅黑糖冬瓜檸檬茶、愛文芒茉莉花茶同冷泡桂花烏龍茶等。

湯底 超多選擇，一共有12款咁多數，有養生醉雞、田園蕃茄雞、藥膳姬松茸雞、古早牛肉養生蟲草、日本壽喜燒野菌、芫茜豆腐、麻辣鴨血等……我哋就揀咗養生蟲茸花桃膠雞湯底。湯底清得嚟又勁足料，見到唔少蟲草花同桃膠，啲雞肉又勁滑，感覺好滋補。湯底好夠味，加水滾到最尾都唔會淡晒。

因為任食嘅關係，所以套餐裡面嘅食物都可以揀，總數接近60幾款咁多，前菜亦可以無限追加，除咗蕃薯條。而為免造成浪費，客人需要自己用店家提供嘅ipad menu選擇食物同數量。食物種類超多，睇到我哋眼花繚亂。我哋將想試嘅都叫咗小量，試過覺得好食之後再追加，所以一共點咗3輪。值得一提嘅係，店家每一次都上齊，每漏上任何一樣食物，呢樣絕對要表揚！

食物種類實在太多，篇幅亦有限，我重點分享一啲推介items：

套餐包嘅靚肉一定要食！好似Prime Grade安格斯牛頸脊同Prime Grade 美國安格斯牛肉，脂肪分佈平均，口好重牛脂香氣，齒頰留香；肉質柔軟又有口感，厚薄適中，要encore。而西班牙伊比利亞黑毛豬同西班牙無激素雞豬肉片，我哋覺得肉質都唔錯，味道香甜，絕對係比一般優質肉類高質，鍾意豬肉同雞肉嘅人一定要ENCORE...

馬祖無限時台灣養生涮涮鍋

最近天氣凍凍地，去咗旺角瓊華中心打邊爐，有一間火鍋店叫「馬祖無限時台灣養生涮涮鍋」，呢間火鍋店如果喺1930前離座就會有八折優惠，每人只係$247，無限時就要收正價價錢$308，我就揀咗A餐「Prime Grade 美國安格斯牛肉 +西班牙無激素豬肉片」，出面係無自助區，只有飲品同醬料放喺出面，其他所有食物都要用QR code落單，落完單之後好快就上枱，店員收拾食具都好快，又唔會漏單，服務非常好！

肉類有Prime Grade美國安格斯牛肉、西班牙無激素豬肉片、沙茶牛肉、爽滑豬肚、雞髀肉、牛柏葉、鹵水豬耳、鹵水豬大腸同鹵水雞腎！

炸物有炸魚皮同響鈴卷！

手工配料有手工三寶丸、手工墨魚滑、手工墨魚丸、手工黑松露墨魚丸、手工黑松露墨魚滑、手工潮汕豬肉丸、手工梅菜豬肉丸、手工麻辣牛丸、手工牛丸、自家製手工白菜豬肉餃、自家製手工韮菜餃、蟲草花香菇雞肉餃同粟米冬菇豬肉餃！

海鮮有生猛海蝦、脆鯇魚片、脆骨腩、白鱔片、花膠片、帆立貝、深海魚柳同墨魚仔！

仲有好多火鍋配料、蔬菜類、麵類同甜品（雪糕每人只限叫一杯）等！

湯底就揀咗藥膳花膠雞涮涮鍋，湯底配料好足料，花膠同雞件勁多，極度推薦大家揀呢個湯底！

以下係我推介之選： 1.Prime Grade美國安格斯牛肉（9.5/10） 呢個美國安格斯牛肉切得好薄，食落好嫩滑，好有牛味！

2.生猛海蝦（9/10） 呢個生猛海蝦好鮮甜，如果肉質再彈牙少少就更好！

3.牛柏葉（9/10） 呢個牛柏葉唔會好硬，好彈牙，唔錯！

4.鹵水雞腎（7/10） 呢隻鹵水雞腎咬落有少少硬！

5.足八吋長蟹棒（10/10） 呢個足八吋長蟹棒夠曬長，有少少蟹味，出面買都幾貴下！

6.手打牛肉丸（10/10） 呢個手打牛肉丸好彈牙，好有牛味！

7.爆醬濃芝牛丸（10/10） 呢個爆醬濃芝牛丸小心入面好熱，入面芝士流心，牛丸本身好彈牙，好有牛味！

8.白蘿蔔（8/10） 呢個白蘿蔔好新鮮好甜，唯一唔好就係切得好薄！

9.油麥菜（9.5/10） 呢個油麥菜好新鮮，咬落唔覺得老同厚，平時打邊爐唔食菜嘅我都食咗好多油麥菜！

10.超甜粟米件（9.5/10） 呢個粟米真係好甜，平時打邊爐我都唔會食粟米，驚粟米皮痴牙，呢個粟米唔會痴牙，好掂！

11.花膠片（9.5/10） 呢個花膠片唔好睇佢細細塊好薄，其實好好味，反而出面厚身嘅花膠好硬，薄薄地細細塊鍾意食！

2人總共價錢$555.6，其他有加一服務費（計原價加一）！

個人口味總評分：9.18/10

@mazunlimitime

地址：旺角彌敦道628號瓊華中心11樓

Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️

#馬祖無限時台灣養生涮涮鍋 #香港美食 #旺角美食 #旺角好去處 #旺角瓊華 #馬祖 #吃到飽 #火鍋 #藥饍 #養生火鍋放題 #足料火鍋 #台式 #hkig #hkboy #hkfoodie #hkfoodblogger #hkfoodpic #hkfoods #hkfoodshare #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies...