Muzey Mərkəzinin binası 1960-cı ildə məşhur Azərbaycan memarı Həsən Məcidovun layihəsi əsasında V.İ.Leninin anadan olmasının 90 illiyi münasibətilə tikilib. Muzey 1961-ci ildə Moskvadakı V.İ.Leninin Muzeyinin flialı kimi istismara verilib.1991-ci ildə SSRİ-nin süqutundan sonra Azərbaycan prezidentinin sərəncamı ilə bina Azərbaycan Respublikasının Mədəniyyət Nazirliyinin tabeliyinə verilmiş və Muzey Mərkəzi adını almışdır. Azərbaycan Musiqi Mədəniyyəti Dövlət Muzeyi, C.Cabbarlı adına Azərbaycan Dövlət Teatr Muzeyi, Azərbaycan İstiqlal Muzeyi və Azərbaycan Dövlət Din Tarixi Muzeyi bu binada yerləşir. Həmçinin dördüncü mərtəbədə beş zal yerləşir: Şəhərimizin ən böyük və gözəl qalereyalarından biri - Sərgi Qalereyası Təqdimat mərasimləri, konsertlər və başqa dövlət tədbirlərini keçirmək üçün şüşə tavanlı Dairəvi zal Muzey Mərkəzinin akt zalı binanın ikinci və üçüncü mərtəbələri arasında yerləşir. Burada konfranslar, dəyirmi masalar, seminarlar, simpoziumlar, kino-axşamlar və başqa tədbirlər keçirilir.